خايفة من الشغل بعد التخرج والقلق مكتفني

Question

انا اتخرجت في ٢٠٢٣ ومن وقتها مشتغلتش. 
جالي اكتئاب من قعدة البيت بس بالرغم من دا عندي خوف من اني اشتغل. سنة ٢٠٢٢ وسنة ٢٠٢٣ حصل حاجات كتير في حياتي شقلبتها مرة واحدة وانا طول عمري متعودة على حياتي بشكل معين. الموضوع دا خلى عندي توتر جامد جدا لدرجة اني بدوخ واحيانا بيغمى عليا. لما بيبقى عندي انترفيو شغل بفضل متوترة وايدي بتفضل تترعش وببقى مرعوبة بشكل مبالغ فيه. عايزة اشتغل بس في نفس الوقت خايفة وخوفي دا مكتفني ومش عارفة اتصرف او اعمل اي حاجة. بقالي ٣ سنين خايفة. انا حتى بخاف ابعت لأي حد ال cv بتاعي من كتر ما ببقى متوترة.

Apple_72535 🇪🇬 · Answer

لاء اهدي كده واجمدي  
انتي خريجه ايه طيب ؟

Biscuit_72222 🇪🇬 · Answer

انا خريجة تربية رياض أطفال

Watermelon_72134 🇪🇬 · Answer

كلية اية

Biscuit_72222 🇪🇬 · Answer

تربية رياض اطفال

Banana_72464 🇪🇬 · Answer

كنت زيك بس في الامتحانات.. فا بدأت اقول لنفسي : ايه اسوأ حاجة ممكن تحصل ؟ هسقط ؟ ما اسقط
و كنت بنجح لأني مكنش خلاص بيبقا فارق معايا
انا فاكر ذات مرة كنت في interview و كان فيه ٣ و بيتكلمو بالانجليزي و انا مكنتش مجهز نفسي الصراحة ngl و الوضع عك بس مفرقش معايا النتيجة الصراحة طز يعني
مهو لو انا كنت عارف طريقة ال interview كنت جهزت بالفعل اجابات لكل حاجة و دربت نفسي اكتر من مرة على سرعة الاجابة

Apple_72535 🇪🇬 · Answer

حلو  مش وحشه والخوف ده بقي من ايه اديني سبب كده!!

Biscuit_72222 🇪🇬 · Answer

انا مكنتش كدا زمان اصلا مكانش دا بيحصلي وقت الامتحانات حتى بس دلوقتي معرفش ليه على طول ببقى حاسة ب pressure انه لا انا لازم اتقبل لازم الاقي شغل عشان الوقت بيجري والعمر بيعدي والكلام دا كله. قولت لنفسي حتى اشوف شغل في مجال تاني غير مجال الكلية بتاعتي بس انا حرفيا مبعرفش اعمل حاجة انا حتى التدريس اللي هو المفروض مجالي انا مش شاطرة فيه

Banana_72464 🇪🇬 · Answer

و بصراحة يعني ال interviews كلها اسئلتها معروفة مهما بلغت تعقيداتها مع اختلاف لغة ال interview بالفعل فا على الاقل افهمي طبيعة اللي انت داخلة عليه و اتدربي كتير 
فيه نقطة بقا كلنا بنغفل لها هي التنفس 
تنظيم التنفس و التكلم ببرود ده بيديلك جانب من الثقة قدام المختبر و مساحة كبيرة للتفكير و التذكر
و بنهي ب اقتباس "ضربة الخوف أمضى من السيف"
شكرا

Biscuit_72222 🇪🇬 · Answer

بضايق وبتوتر من نظرات الناس ليا انه ليه متخرجة بقالي ٣ سنين ومشتغلتش. بخاف من اني حتى لو اتقبلت اعك الدنيا وابوظ كل حاجة.

Banana_72464 🇪🇬 · Answer

لا الغي فكرة الخوف دي خالص 
ايه يعني العمر يجري و ايه يعني اترفض ؟ هكون انطردت من الجنة ؟
و موضوع كونك شاطرة في التدريس او لا 
انت حكمتي بناء على ايه ؟ مدام حاجة فاهماها و حضرتيلها و محدش فهم العيب مش فيكي
مهو كان عندي محاضرين كتير ناس تقول على شرحهم ممتاز و انا اقول دول حمير و العكس
مش كل الناس هتفهم بطريقتك اهم حاجة تكوني فاهمة و تتكلمي عن علم و فهم و تكوني محضرة

Apple_72535 🇪🇬 · Answer

اااه يعني من الاسئله طب بصي ياحبيبتي ابو الناس من الاخر ردي علي قد السؤال ملقتش الفرصه المناسبه اي حاجه اتعاملي مع الموقف بذكاء متتسرعيش مش امتحان الاخره هو يابنتي بس استرخس كده وتهدي وانتي بتجاوبي طب منا هتخرج بعد دفعتي وبيجي اساله فدماغي بس برد علي نفسي بعقل وفعلا بقنع نفسي