Popcorn_41523 🇪🇬's منشور
Popcorn_41523 🇪🇬
منذ 6 أشهر
.
شعور مرهق
سلام عليكم دلوقتي انا سني 22 عمري ما اشتغلت خلصت معهد و المفروض اني اروح الجيش بعدها لاكن لسه مروحتش عشان بجمع فلوس المهم كل ما اروح شغل اكون خايف اترفض و في نفس الوقت خايف اتقبل لاني عمري ما اشتغلت قبل كده و مش بعرف اتعامل مع الناس جالي شغل من فتره بسيطه روحت يوم و مكلمتش بسبب اني مش عارف اتعامل مع الناس مش عارف اعمل ايه في الموضوع ده.. في حد يكون مر بنفس التجربة يقولي اي نصيحه. و اسف علي الاطلاله . دمتم في امان الله ♥️.
6
12
Chocolate_40055 🇪🇬
أفضل نصيحة
.
منذ 6 أشهر
انا شايفه الناس اللي ردت قالت لك الكلام اللي يشجعك بس لكن محدش قالك ازاي تتعامل مع الناس اللي انت خايف منهم دول، بص اول حاجة حاول تتعلم علم النفس و سلوك الإنسان و لغة الجسد لأن الحاجات دي لما تعرفها هتبدأ تلاحظها علي الناس فهتفهم دول بيعملوا كده ليه فأيه رد الفعل اللي لازم تاخده ثانيا حتي لو انت مش شجاع مثل الشجاعه مع الوقت هيبقي طبع فيك ثالثا و الاهم الهدوء اسمع و حلل كلام الشخص و افهمه الاول
12
0
.png)
Strawberry_29549 🇪🇬
.
منذ 6 أشهر
خايف تترفض دي مش حاجة تخوف الشغل رزق زي أي رزق لو كنت جامد جدا هيجيلك في الآخر نصيبك فخد بالسبب زي اي حاجة والنتيجة مش بتاعتك ؛ خايف تتعامل مع الناس هما الصراحة يخوفو وفي الأول هتحس انك عاوز تهرب وتسيب الشغل لو الناس فعلا الي في مش كويسة بس مش منطقي بردو تهرب من مستقبلك وحياتك عشان الخوف في الاول الموضوع هيبقى صعب بعد كده هتتعود لو اديت نفسك فرصة بعد كده هيبقى روتين وإحتمال كبير تحبه كمان مع الوقت
11
0
.png)
Pineapple_32862 🇪🇬
.
منذ 6 أشهر
بص خوفك من حاجه مش هيلغي وجودها بمعني انك لازم هتشتغل ولازم هتبني نفسك ولو فضلت خايف وتسوف انك تعمل حاجه ف مش هتعملها وهتفضل مكانك الحل انك تحط نفسك ف الموقف وجمد قلبك ولو اترفضت مش مشكله شوف ايه القصور اللي عندك واعدلها ده شيء طبيعي جدا انت لسه ف الاول ولسه بتبدأ وحاول تجهز نفسك نفسيا من اللي هتشوفه لأن الناس ف الطبيعي مش احسن حاجه ومش هيبدوك علي نفسهم وبالذات ف الشغل لازم تاخد حذرك
11
0
.png)
Apple_42183 🇪🇬
.
منذ 6 أشهر
انا مريت بكل ده يمكن اكتر وكان الموضوع صعب عليا اكتر لان كنت مجبور اشتغل وتعامل طبيعي عشان اقدر اعيش ف وقت خايف من كل حاجه حرفيا ومبعرفش اتعامل وكده وفضلت فترة كبيرة مدمر نفسيا حرفيا هقولك حاجه انا شخصيا عملتها ف الاول وفرقت معايا اه كبير ومع الوقت كل ده هيبقا طبيعي دخل نفسك ف اي مناقشة ومتقلقش من رد فعل اللي قدامك واخرج نفسك من المود ده طب ازاي؟ انزل اخرج روح عند قرايبك اتصل بصحابك حتي لو مش حابب
10
0
Apple_42183 🇪🇬
.
منذ 6 أشهر
وهيغيرو من نفسيتك بس خد بالك مش كل الناس زي بعضها زي ما في الحلو في الوحش طبعاً وربنا يوفقك ويقويك يارب اسف اني طولت عليك بس كنت عايز اطمنك انا ف يوم من الايام كنت زيك و دلوقتي الحمدلله وانشاء الله هتكون احسن
10
0
التجربة أفضل عبر التطبيق
حمّل تطبيق توهيل على هاتفك لتجربة أسرع
