خايفه من التعامل مع الرجاله وافكار مقلقه بتملّي دماغي

Question

بقى عندي خوف جداً لما باجي اتعامل مع الرجاله بتيجي افكار كتير في دماغي زي ان الشخص ده هل هو بيفكر في حاجه مش كويسه وانا قدامه دلوقتي و هل مثلاً الشخص ده بيساعدني عشان هو محترم ولا عشان عايز حاجه و هل الشخص ده عامل نفسه كويس و هو لا ولا هو فعلاً كويس بجد حاجات كتير اوي بتيجي في دماغي عارفه اني مبنفعش افكر كده بس معرفش ليه غصب عني بحس اني خايفه بجد اتعامل مع الرجاله عشان خايفه حد يأذيني و كمان عشان انا معرفش نيتهم و بجد بحس بخوف اوي لما افكر في فكره الجواز يعني بحس اني خايفه اتجوز واحد و يكون تفكيره كده او اللي هو متجوزني مثلاً عشان بيحبني بس في نفس الوقت عشان اشبع رغباته و ميعملش حاجه حرام

Jackfruit_43368 🇸🇦 · Accepted Answer

احسني الظن ل غاية ما تلاقي اي تصرف مش تمام منهم

Apple_18785 🇪🇬 · Answer

متخافيش الرجالة بيبان عليهم دورك بس انك تقري الناس صح

Durian_52455 🇪🇬 · Answer

كل الناس عندها رغبة مش بس رجالة ومش بس ستات
دى فِطرة ربنا اللى خلقنا عليها
 واللى بيقولك انا مش بفكر فى حاجة زى كدة، اعرفى إنه ملعوب فى أساسه 😂

ومينفعش كل تعاملاتك مع الرجالة يكون فى "هما بيفكروا فى إية ؟"
لإن كلنا عندنا نفس الشهوة
 و احنا اللى بختار نشبعها.. ازاى وامتى ومع مين

Cookies_52521 🇪🇬 · Answer

ايوه عارفه الكلام ده و بردو عارفه اني مينفعش اكون كده بس الموضوع بيحصل غضب عني فجأه بحس ان خايفه و قلقانه

Durian_52455 🇪🇬 · Answer

إدراكك بإنك عارفة الكلام ده مش كفاية.. أفكارك اللى بتيجى فى بالك مش لازم تصدقيها فى كل مرة
١) إفترضى حسن النية لحد اما يحصل العكس او انك تلاحظى إشارات بتدل على التفكير الغلط
٢) حطى نفسك مكان اللى قدامك، وفكرى هل هتحبى إن حد يفكر فيكى كدة ولا 
٣) خليكى واقعية اكتر وإبعدى عن الأفكار الغير حقيقية اللى عقلك بيصورهالك
٤) أفضل حل ليكى من ده كله، هو إنك تقللى على قد ماتقدرى تعاملاتك مع الرجالة

Durian_52455 🇪🇬 · Answer

بسبب الإنجذاب الفطرى اللى بيحصل للطرفين.
وعلشان تحمى نفسك من التفكير الزيادة بسبب تصرفات الرجالة.
وخوفًا من إنك تقعى كـ فريسة سهلة الصيد لأحدهم بسبب إستغلاله ليكى بأى شكل

لو عملتى كدة، مخك غصب عنه مش هيفكر فيهم لإنك تجنبتى التعامل معاهم وفنفس الوقت حميتى نفسك

Hazelnut_52786 🇪🇬 · Answer

احسني الظن في الناس
ولا تعطي لهم كل مساحه من الامان 
امسكي العصايه من المنتصف حتي يثبتو لكي العكس