و انا عندي ١٢ سنة كنت بتعرض للتحرش الجنسي من اخوي… كنت بخاف و كنت بكره نفسي و كنت بفضل صاحية بليل لدرجة اني بنام على نفسي و انا قاعدةو النور شغال عشان كنت بخاف انام ليجي يتسحب و يتحرش بيا زي كل يوم.. و كل مرة كان بيعمل كده كان ببقى نفسي اصرخ و اتحامى في حد.. بس كنت بسكت و بيملاني الخوف…لاني كنت خايفة برضو من رد فعل اهلي.. كنت بخاف ابص على جسمي في المراية.. بخاف استحمى.. بخاف اصاحب.. بخاف احب.. بخاف اثق في راجل..و كبرت و كبر معايا الخوف و الخذلان.. الحياة بعدتنا عن بعض و سافرت و عشت حياة طويلة عريضة.. و الموضوع اتدفن جوايا و عمري ما قولت لحد عليه.. و اليوم انا عندي ٣٤ سنة و متجوزتش و الدكتور بيبلغني ان فرص خلفتي ضعيفة و كل سنة بتضعف اكتر.. بقول لكل أب و أم احموا بناتكم.

2

4