زعلانه على نفسى بعد ما خلصت امتحانات وملقتهوش

Question

خلصت النهارده امتحانات ومشفتهوش كنت بانيه تخيلات كتير اوى فدماغى والله كل ده انهار فثانيه بجد خلصت امتحانات ملقتهوش اصلا خلص ومشى الى هو للدرجه دى فعلا انا مش موجوده وكل ده بوهم نفسى سنتين كاملين بوهم نفسى ان معجب بيا وهيجى يعترفلى ويخطبنى وطلع اعجاب من طرف واحد  والله مش مصدقه قلبى وجعنى وزعلانه بجد على نفسى اوى بتمنى اتعافى ف اسرع وقت واكون كويسه لان بعانى بجد من الموضوع ده وكده كده مش هشوفه تانى يارب اقدر اتخطى

Corn_61208 🇪🇬 · Accepted Answer

الإعجاب فى المرحلة السنية ظى بيكون نبغى على أسس غير موضوعية وبيتبنى على معايير عاطفية فقط لا تصلح لبناء بيت لأنك حتقابلك تحديات وصعوبات لازم يكون فى اساس من التفاهم والرغبة القوية فى الحياة مع الطرف الاخر علشان الحياة تستمر

Chilli_61044 🇪🇬 · Answer

و ليه بنيتي كل ده علشان مشي علي طول ما يمكن عنده ظرف يمكن مش عايز يشوف المكان ده ما صدق أنه خلص امتحانات 😂👀و بعدين في كلام بينكم ولا كنتي بس بتكرشي عليه ؟

Banana_40578 🇪🇬 · Answer

لا بكراش بس من بعيد جدا حتى كنت بقول ان هو ميعرفش ان عايشه اصلا بس بحظت لا بيبصلى وبيلتفت ناحيتى بس كل ده كان اوهام برضو

Carrot_57021 🇪🇬 · Answer

مش دايما الخطه اللي في دماغنا ولا اللي عايزينها هي اللي بتمشي ساعات بيكون في خطه بديله خطه الهيه بدون اي تدخل وتكتشف بالاخر ان هي الحقيقه هي اللي بتوصلنا للي احنا عايزينه ساعات اصلا مفهوم اللي احنا عايزينه يكون مختلف واحنا مش حاسين

Pineapple_40254 🇪🇬 · Answer

ادخليه كلميه وقوليله انى زميله معاكوا وفيه بنت اسمها كذا عرفت انها معجبه بيك 
وشوفى هيكلمك ولا لا
بس خلى بالك انه ممكن يتسلى بيكى

Chilli_61044 🇪🇬 · Answer

طيب ما انتي بتقولي بتكرشي يعني متكلمتيش يعني متحسسيش نفسك بالذنب أنه مشي و كده الكلام ده يزعلك لو كنتي بتكلميه و هو مجاش اعترفلك أو حاجه جربي تكلميه انتي برايفت و شوفي هل هو بيبدلك نفس الشعور ولا لا ساعتها هتعرفي راسك من رجلك فهماني

Strawberry_40044 🇪🇬 · Answer

واي اللي خلاكي تحسي أنه معجب بيكي اكيد ليه تصرفات حسستك بكده

Banana_40578 🇪🇬 · Answer

ممكن نظرات بس مش اكتر وبنيت عليها وهم

Strawberry_40044 🇪🇬 · Answer

بيطول في نظراته

Apple_54177 🇪🇬 · Answer

هو هيعرف منين انك معجبه بيه مايمكن هو كمان معجب بيكي وخايف من ردة فعلك