لقيت خطيبي على تندر - بيخونني أعمل إيه؟

Question

هاى 
لقيت ع فون خطيبى آب تندر ومعنى ان هو عندو ان هو (يا بيخونى يا بيخونى)  فكرت انى افركش الخطوبه وخلاص بس انا اصلا مفتحتش الآب وفتشت فيه ففكرت اواجهو الأول بس انا عارفه هو مش سهل وهيحور وانا هقتنع هو حاليا فى سفريه شغل وهيرجع بعد بكره فا اعمل اى؟ 
باى

Strawberry_38939 🇪🇬 · Accepted Answer

بصي لازم تواجهيه وتتكلمي معاه يا اما هتفضلي طول الوقت مش مرتاحة وشاكة فيه مهما يعمل.. ف اتكلمي معاه قوليله انا شوفت كذا كذا عندك وشوفي رده واطلبي منه انك تفتحي الابلكيشن وشوفي برضو رد فعله..وكل اللي جواكي قوليه عشان ترتاحي وان شاء الله يطمنك

Chilli_40446 🇪🇬 · Answer

يمكن بيخش يتسلى عارف انو حرام وكده بس عادي حاولي تسأليه وخلاص لكن متظنيش فيه عشان حرام

Coffee_27700 🇪🇬 · Answer

الخيانة طبع وإدمان صعب تغييره فلازم تتأكدي. واجهيه واطلبي منه يفتح التطبيق وشوفي الرسايل وشوفي بيقابل ناس ولا بيستكشف التطبيق وبس وعلى أساسه تقرري

Sugar_31931 🇪🇬 · Answer

يعني ايه تندر انا اسف 🙂

Marshmallow_29286 🇪🇬 · Answer

اهم حاجه بس انك طول ما انتي لسه مواجهتهوش خليكي طبيعيه في التعامل لكن لو واجهتيه ده معناه انك هتاخدي قرار تسيبيه اول ما تتأكدي انه بيكلم ناس فعلا
انتي لو اتأكدتي وقعد يقنعك ويهديكي وفضلتي فعلا هتنزلي من نظره وهيستخف بالموضوع بس المره الجايه هياخد باله انك متعرفيش ابدا

Marshmallow_29286 🇪🇬 · Answer

الصراحه مش مقنع من قلة البرامج عايز يتسلى في تندر

Lemon_38464 🇪🇬 · Answer

تصدقي اني دخلت قلبت في موبايلي دلوقتي لقيت تندر واكتشفت اني كنت محمله لما كنت اندر ايدج ومبفتحوش اصلا😂😂وانا حاليا فيه واحدة في حياتي الحمد لله ومستحيل ابص لاي حد غيرها ف استفسري الاول ايه سبب وجود البرنامج على موبايله وشوفي رد فعله هيبقى فيها ثقة ولا هيتوتر ويلاوع ولو قالك بملاوعة انه مثلا مش بيستخدمه قوليله وريني طيب اتاكد بنفسي بس يكون الكلام ده لما تشوفوا بعض عشان ميلحقش يمسح حاجة وتشوفي بنفسك

Lemon_38464 🇪🇬 · Answer

وسعتها لو قلبها خناقة وقالك انتي بتشكي فيا ومرضاش يوريكي يبقى بيستعبط وبيخونك ولازم تكرفيه .بس اهم حاجة زي ما قولتلك متقوليلوش غير اما تشوفوا بعض

Lemon_38464 🇪🇬 · Answer

ولو بردو قعد يلف ويدور في فكرة انك بتشكي فيه وعاشلك في الدور ده قوليله ده برنامج تندر ياحبيبي مش بقولك افتحلي الانستا او الواتس بتاعك فهميه ان الموضوع كبير وانك لازم تتاكدي بنفسك ويوريكي البرنامج وعمل ايه جوه لو مرضاش يوريكي يبقى هي خيانة فعلا وخدي بعضك واخلعي من العلاقة دي ومتعتمديش اي كلام يطلع منه يبينلك من خلاله انه مش بيستخدم البرنامج في حاجة غير اما تشوفي بنفسك

Banana_38454 🇪🇬 · Answer

سيبيه براحته علشان ياخد خبرة وانتى اللى هتبقى مستفيدة فى الاخر 😂

Waffle_40473 🇪🇬 · Answer

آب تعارف وكدا

Broccoli_30220 🇪🇬 · Answer

خليه يفتحو قدامك وشوفي بقا ولو مفتحهوش يبقا هو بيخونك و بيحور عليكي

Pineapple_33562 🇪🇬 · Answer

ما يمكن منزله من قبل ما تتخطبوا ونسيه
اسأليه علي الاب وشوفي هيقولك ايه قوليله انك عايزاه يفتحه قدامك عشان تطمني لو موافقش يبقي ساعتها بقي في حاجة