خطيبي بيخبي مرتبه عشان متقوليش عايزة فلوس!

Question

جماعة معلش عايزة اسال عن حاجه هو عادي ال خطيب يخبي عن خطيبته بيقبض كام ولما تسأله يقولها عشان متقوليش عايزة فلوس ولما قعدوا يتجادلوا قالها انا بقول عشان لما نتجوز متقوليش عايزة فلوس 
للعلم هو ال استلف منها كتير ف فترة 5 سنين وهي عمرها ما فالت ليه على اي فلوس حتى لو حاجه بسيطة هو ال لما مكنش شغال في فترة استلف منها كتير ومبالغ يعني مش رقم صغير

ف دلوقتي اشتغل ومخبي مرتبه بحجه احسن تقوله على فلوس ولما اتحاورا مع بعض قال أنا بقول عشان لما نتزوج متقوليش عايزة فلوس وتبقي عارفه معايا كام ودي حاجه خاصة بيا

هو مش المفروض يبقى ملزم بمصاريفها بعد الزواج ولا ملهاش حق تطلب حاجه لنفسها وهو ال يحدد كام وخلاص متطلبش زيادة عنه

ف احب اسمع رأيكم وشكرا مقدما✨♥️

Biscuit_62485 🇪🇬 · Accepted Answer

سامحيني فالهقولو بس ده مش احسن زوج و اه عادي تعرف مين القال متعرفش و انا ولد علي فكرة و بقول تعرف عادي بس ده مش احسن زوج صدقيني لاسباب كتير

Jackfruit_61164 🇪🇬 · Answer

مش من حق الست انها تعرف مرتب جوزها بس من حقها يتوفرلها سُبل الحياه الكريمه والرفاهيات علي قد مقدرة الزوج وبردو مش من حقه انه يستلف من خطيبته خالص مهما كان ايه الي حصل

Watermelon_56950 🇪🇬 · Answer

لا مينفعش يخبي انا راجل وبقولك وغالبا كده دا شخص بخيل

Watermelon_56753 🇪🇬 · Answer

الراجل ال يستلف من بنت فلوس وكمان مش عاوز يردها ، دا راجل مش كويس.. تستعوض ربنا فالفلوس وتسيبه (لانه اكيد مش هيردهم!!!)

Strawberry_25620 🇪🇬 · Answer

مش عادي لا ده بخيل

Banana_62616 🇪🇬 · Answer

الموضوع مرتبط بإنه يكفُلك ويكون قادر على دا،بيقبض مليون زي بيقبض ١٠٠ ج مش شرط تعرفي،اخيرا احنا كرجالة لينا احترازات مشروعة ولينا حق فيها

Olive_61209 🇪🇬 · Answer

اهربى🙂🤝

Blueberry_23192 🇩🇿 · Answer

لا مش عادي ابدااا  مدام هو بيستلف و كده هههه لا ده مش راجل أصلا و لا تقعدي معاه الي بعده ربنا يرزقك حد يكون راجل و حاجات دي مبتتناقش أصلا احنا بس عشان بنكون بنحب فنرضى بالعفن لو متلا أختك او صديقه تقلك حاجه زي كده جوابك يكون ايه ؟

Orange_56289 🇪🇬 · Answer

المفروض يوضحلها مرتبه كام لأنها شريكة حياته المستقبليه و يبقي الأثنين علي نور

Chilli_28248 🇪🇬 · Answer

انا كراجل اول مرة اسمع الكلام دا ولو هنبتدي نخبي قبل الزواج يبقى بلاش منه احسن. وبعدين خمس سنين قد ايه المدة اللي دخل البيت من بابه واتقدم من الخمس سنين دول ؟

Mango_56683 🇪🇬 · Answer

مفيش راجل بيحب شريكته تعرف دخلة قد ايه .
فريحي نفسك من موضوع ده

Lemon_52157 🇮🇶 · Answer

هاي صدك تحچين؟؟ استلف منچ؟؟! استلف من بنت؟!!!!! ... الله لا يبلانا ..لا وانتي راضية يعني؟!! وسلفتيه؟ وميقبل يعلمج شكد راتبه حتى لا تاخذين او تطلبين منه؟؟؟ لچ الزلم تنطي بدون منسأل حتى شهالبخل العنده؟! هذا وهو خطيب لعد باچر عگبة شيسوي .... الله يعين!!

Coffee_56674 🇪🇬 · Answer

ده طبيعي ميعرفكيش دخله كام بس مش طبيعي انه  يستلف منك

Jackfruit_62393 🇪🇬 · Answer

لا مش عادي هو ممكن ما يقولش على مرتبه كام .. بس حته ان هو يستلف منك فلوس وقت الخطوبه دي مش كويسه

Popcorn_61948 🇪🇬 · Answer

هو اول حاجه لا مش المفروض تعرفي خطيبك بيقبض كام بعد الجواز تعرفي اه لكن فكرة انه استلف منك فلوس وان حجته فانه ميعرفكيش عشان متطلبيش منه فادي ريد فلاج كبيرة تبينلك انه شخص بخيل اصلا وانه هيتعبك جدا بعد الجواز ومكانش المفروض تستني خمس سنين عشان تفهمي النقطه دي

French Fries_61284 🇪🇬 · Answer

معلش ع اللي هقولة بس هو اصلا مينفعش يبقي فية تخالط بينك و بينه لأنة الدين شرع بكدا و كدا بتبدأو حياتكو غلط و بدأتوها بمعصية ربنا

Watermelon_62187 🇪🇬 · Answer

ربنا يسترها بعد العشرة دي كلها ولكن ربنا يهون ويكتب الخير والصالح

Watermelon_62187 🇪🇬 · Answer

اكيد طبعا 
السلف بسبب الظروف ال كان فيها وقال إنه كاتبهم ودين عليه وهيدفعهم باذن الله

Watermelon_62187 🇪🇬 · Answer

المشكلة أنه ف جوانب كتير بيصرف وبيجيب ومش بيبخل النقطة دي بس ال فيها مشكلة

Watermelon_62187 🇪🇬 · Answer

ربنا يسترها ويهون الحال

Watermelon_62187 🇪🇬 · Answer

كاتبهم وقال إنهم دين عليه وهيردهم وكان مستلف قبل كده وردهم بعد فترة كبيرة

Watermelon_62187 🇪🇬 · Answer

عندك حق ♥️

Watermelon_62187 🇪🇬 · Answer

مفيش اي كلام نافع ورأيه زي ما هو رغم أنها هي المفروض تخاف لانه هو ال قال على فلوس مرات كتير قبل كده

Watermelon_62187 🇪🇬 · Answer

يارب يارب ويهون الفترة الصعبة دي يارب

Pineapple_62201 🇪🇬 · Answer

هو انا ضد الموضوع ده بس انا اعرف بعض الرجاله بيقولوا اني لو قلت لها مرتبه قد ايه هتبقى عايزه تصرفه من الاول للاخر وما توفرش اي قيمه منه او مش هتسيبني اصرف شويه صغيرين على نفسي وتخليني اصرف الفلوس كلها على البيت. ده فكر بعض الرجاله

Tomato_60726 🇪🇬 · Answer

الموضوع نقطتين اولا المرتب مش ليكي حق تعرفيه ممكن يقوله ليكي بالود والمحبه بس هل هو لازم عليه لا 
ثانيا أنه يختلف منك فلوس ومخبي علشان كده لا هي من حقها تطلب منه الفلوس بشكل صريح زيىما استلف منها بشكل صريح حتي لو مرتبه مش مكفي وهي محتاجه الفلوس

Cherry_60281 🇪🇬 · Answer

خدي فلوسك اللي عنده و اهربي

Tofu_62484 🇪🇬 · Answer

لسا شايفه البوست دا فيس🥲

Mushroom_55730 🇪🇬 · Answer

انا شايفه أنك تهربي بس صلي اسخارة الأول

Watermelon_62187 🇪🇬 · Answer

ربنا ييسر الحال جديا بفكر ف كده

Watermelon_62187 🇪🇬 · Answer

الله يرضى عنك مش وقت بوستات دي حاجه مضيقاني

Kiwi_62558 🇪🇬 · Answer

حبيبتى مستنية اى سيبيه بعد الجواز مش هيصرف على عيالك وانتى هتتعذبى وتشيلى الهم ويبهدلك انتى ازاى معاه لغاية دلواتى الجواز مسئولية

Coffee_25647 🇪🇬 · Answer

يعني هو مستلف منك، ومخبي عليكي مرتبه، وشايف انه ملكيش حق تطلبي فلوس منه بعد الجواز.
وانتي جاية تسألينا ده عادي ولا لا؟!، مهو يا البوست ده فيك يا انتي لامؤاخذة غبية! 😂😂

Watermelon_62187 🇪🇬 · Answer

هصلي استخارة وربنا يجيب ال فيه الخير

Watermelon_62187 🇪🇬 · Answer

طيب يا سيدي كتر خيرك 
انا بسال لاني اتكلمت ومحسسني أن الموضوع عادي واني مكبرة الموضوع ف سألت هنا