ليا واحده صحبتي فضلنا صحاب لمدة ١٢سنه فضلنا مع بعض في الأوقات الحلوة والصعبه وكان بينا ثقه كبيره اوي خسرت اقرب الناس ليا علشانها ومكنتش بسمح لحد يجي عليها وفي يوم لقيت خطيبها بعتلي رساله ماسنجر بيقولي هو احنا بنتكلم او بينا اي حاجه قولتله اي الهبل ده قالي صحبتك شاكه اني بيني وبينك علاقه وشاكه فينا مصدقتوش بعتلها اسكرين فضلت تحلف انه محصلش وقالتلي اعمليله بلوك بس انا معملتش بلوك علطول قولتله انك لو فاكر ان بكلامك ده هتخليني اشك فيها او اخسرها تبقي عبيط انا اعرفها من قبل ماتعرفك واستحاله اصدق ان صحبتي تشك فيا بعدها رد عليا باوحش الشتايم شتايم وحشه اوي وانا رديت عليه وشتمته كان رد فعل مني علي شتيمته ليا عملتها اسكرين وكانت واقفه معايا وقالتلي لازم اجيب حقك وازاي يغلط فيكي كدا وهفركش معاه اتخانقت معاها وقولتلها متقولش هفركش ولا تعملي مشكله بسببي أنا مسامحه علشان خاطرك وكويس انها جت فيا انا وقولتلها متعملش مشاكل معاه بسببي بعدها بكام ساعه لقيت طريقتها اتغيرت معايا وكل كلامها اني خربت عليها وفركشت بسببي واني مش صاحبه وازاي ارد علي خطيبها الرد ده وقلبت الطربيزه عليا انا كنت مصدومه من طريقة كلامها لانها اول مره تكلمني كدا تاني يوم لقيتها عملتلي بلوك وقررت تخرج من حياتي من غير حتي ماتودعني واكتشفت كمان انهم مسابوش بعض زي ماقالت مع ان انا عمري ماكنت اتمني انها تفركش بسببي بس معرفش كدبت عليا ليه هل انا كدا غلطانه فعلا

5

2