السلام عليكم و رحمة الله و بركاته كنت سألتكو قبل كدا عن موضوع جواز القرايب وعايزه اسألكوا تاني بس ناس عاقله ترد عليا أمانه عشان معنديش طاقه للنقاش ، دلوقت ابن خالتي زي ما أمي و باقي خالاتي بيقولوا هو شاريني وعايزني بس الوضع ك الآتي المكان فلاحين و هيتجوز هو و أخوه ف نفس البيت و أمه هتكون ف بيت قصادهم ، معندوش مانع إني أعزل و أكون لوحدي ، من بعد ما بدأت أقرب من ربنا و بان عليا كدا ف لقيته بدء يبقى كدا ف أنا خوفت يبقى فيه خلل في نيته انه مثلا بيعمل كدا لأجل إن فلانه تعجب بيا أو الفت نظرها ف دي حاجه في حد ذاتها مخوفاني لإن النيه الفاسده تفسد العمل بأكمله ، خالتي التانيه بتقول إنه بيصلي دايما من قبل ما يفتح الموضوع انه عايزني و هكذا يعني ، بس انا محتاره حقيقي و دماغي مشتته بشكل صعب و مش عارفه آخد قرار ، أنا خايفه من مشاكل القرايب اللي كله بيتكلم عنها دي و خايفه حقيقي أدي فرصه و يحصل مشاكل تخلي الوضع أصعب بين ماما و خالتي ف فكرت إني ارفض و اقفل الموضوع من بدري و أتجنب المشاكل دي ، غير إني دايما نفسي ف شخص أعلى مني في الدين وأنا كنت مخطوبه قبل كدا لشخص زي كدا بس محصلش نصيب و ابن خالتي يعني مش أعلى مني دا بل دا العكس و الله أعلم ف أنا خايفه من فكره إني أكون أنا اللي انصح وكل دا حد فاهمني ؟ بتمنى حقيقي اللي يرد عليا يكون شخص فاهم و عاقل غير كدا اللي عايز يدخل و يتكلم كلام فارغ ف أرجوك بلاش عشان فعلا معنديش طاقه للنقاش كتير و شكرا ليكوا .

2

8