حبيت قريبي وهو مش بيحبني وده حرام

Question

حبيت واحد قريبي وانا وهو اصلا في الاول كنا بنكره بعض ف هو اصلا مش بيحبني واكيد مش هكلمه لان ده حرام بدعي علطول ربنا يهديه ويبقي من نصيبي

الموضوع صعب لان اهلي اصلا حالفين م هيجوزوا حد فينا من قرايب يعني حتي لو طلع بيحبني لسه فيه مشكله

Biscuit_25603 🇪🇬 · Accepted Answer

نصيحتي ليكي متشغليش بالك بيه وتجاهلي مشاعرك واوعي تلمحي لحد ومتدعيش بيه ادعي بالزوج الصالح ولو هو من نصيبك مهما اتعقدت مش هيروح منك ف حته

Biscuit_25419 🇪🇬 · Answer

ادعى ربنا يريح قلبك وربنا هيعملك اللى فية الخير ولو هو خير ليكى مهما كانت الظروف هتبقوا مع بعض ولو لا فعرفى انا ربنا اختار الاحسن ليكى وهتقبلى حد افضل

Ice Cream_25601 🇪🇬 · Answer

انا برده كنت بحب ابن عمتي من طرف واحد لمده ٧ سنين ومكنتش عارفه اخبي مشاعري وكان باين عليا، بس لما لقيته مش بيفكر فيا وكل شويه يرتبط ويحب وعايش الموضوع اتغير فدماغي منكرش اني بفرح لما اشوفه بس هو ميستاهلنيش، خدي اللي يطير بيكي مش اللي مش شايفك لإنو هيفضل مش شايفك ودا غير ان اهلك مش موافقين فخلاص اكيد نصيبك احسن

Biscuit_25603 🇪🇬 · Answer

حبيت ابن خالتي ٧ سنين بس كنت عارفة انه مش مناسب ليا وان كنت بقول لنفسي انها شوية مشاعر وهتروح لحالها وكل م اعجب بيه اكتر كنت كل لما اتجنبه اكتر لدرجة مبقتش اسلم عليه 😂😂 وخطب واتجوز اهو وعادي بالعكس بضحك ع نفسي ايام م كنت بدعي بيه او بزعل لاي موقف يخصه 😂 وحاليا قاعدة مستنية ابن الحلال اللي يناسبني فعلا واختاره بعقلي مش بقلبي 🤍