خايفة من تالتة ثانوي ومش قد المسؤولية

Question

انا في تانية ثانوي و خلاص قربت اخلصها و داخلة على تالتة ثانوي و خايفة اوي خصوصا ان انا الوحيدة اللي في العيلة هكون تالتة السنة الجاية ف كلو مركز معايا و انا متوترة و حاسة اني مش هجيب مجموع انا ميفرقش معايا اوي اه هو انا نفسي طبعا اجيب مجموع بس بالنسبالي اني افرح اهلي اجمل  و كمان عشان انا البنت الوحيدة ف بابا متوقع مني مجموع كبير بس انا خايفة و حاسة اني مش قد المسؤلية دي

Strawberry_14736 🇪🇬 · Accepted Answer

انتي قد المسؤوليه واكتر كمان و مين قال انك مش هتجيبي مجموعه بتنا شاطره و انا واثقه فيها 
انا في تالته السنه دي وعايزه اقولك أن فعلا مش صعبه و كل الدوشه اللي حواليها علشان بس بتروحي مرحله جديده في التعليم بعدها هي عايزه هدوء اعصاب و متعيشي نفسك في توتر لان بجد مش صعبه و هتلاقي نفسك عارفه حاجات منه اصلا لانو منهج تالته اعدادي

Cherry_14446 🇪🇬 · Answer

يقلبي متسبقيش الاحداث😂❤️، عيشي اللحظه باللحظه بتفكري ف تلته وانت لسه مدخلتهاش امال احنا ال ف تلته نعمل ايه🙈

Avocado_13558 🇪🇬 · Answer

انا فعلا بحاول اعمل كده بس غصب عني بلاقي نفسي بفكر كتير في السنة الجاية 🥺

Avocado_13558 🇪🇬 · Answer

انا فعلا بحاول اعمل كده بس غصب عني بلاقي نفسي بفكر كتير في السنة الجاية 🥺

French Fries_14743 🇪🇬 · Answer

اتعلمى ازاى تركزى على الحاضر مش على المستقبل
لإن بسبب تفكيرك المبالغ فيه  فالمستقبل ممكن يكون سبب فى ان الحاضر بتاعك مش احسن حاجة.

دلوقتى انتى فى تانية ثانوى… اعملى فيها اللى عليكى بكل إخلاص وتفانى هتلاقى ربنا بيكرمك وبيهيأك للخطوة اللى بعدها

Apple_14762 🇪🇬 · Answer

انا حاليا ف تالته والوحيد ف العيله وابويا وامي مستنيين مجموع وباقي قرايبي مستنيين أسقط بس انا حراق وهجلطهم 🤙🏼 انتظروني مع منى الشاذلي

Avocado_13558 🇪🇬 · Answer

إن شاء الله يا قمر ♥️

Avocado_13558 🇪🇬 · Answer

ايوة بحاول اعمل كده إن شاء الله خير ♥️

Avocado_13558 🇪🇬 · Answer

حبيبتي إن شاء الله خير ادعيلي كتير ♥️