جماعة عارفين الفيديوهات اللي هي بتكون ملخص فيلم او مسلسل في نص ساعة انا بحب اتفرج عليهم ف لقيت فيلم بيتكلم عن أن واحدة بتشتغل مغسلة م..و..ت..ى و بنتها بتورث منها الشغلانة و بعدين بيجي اسبوع يموت فيه ستات كتير من القرية بطريقة مجهولة و الست المغسلة بتموت بردو ف بنتها بتفضل تدور لحد ماتعرف أن زمان كان في واحدة في القرية الستات اتهموها انها بتسرق الرجالة من مرتاتهم و هي انتحرت ف روحها بتطلع تموتهم وكده المهم البنت كانت بتشوف في بيتها مثلا ج..ن بيصلي أو وهي بتصلي تلاقي ج...ن بيصلي وراها وكده ف انا سمعت الفيد ده انا بحب الكلام عن الج..ن بس بترعب اوي و اسمعهم عادي بالنهار و اهلي صاحيين لكن لما يناموا أو بليل افتكر كل حاجة و اخاف بقى ف المهم انا الحمدلله بصلي و بقرأ قرآن بس من ساعة ما سمعت الفيد ده وانا مرعوبة بشكل غريب يعني جيت اصلي الفجر امبارح فضلت خايفة و حاسة أن حاجة ورايا و بقيت بنتبه اوي للأصوات اللي حواليا لو مثلا هوا خبط في الشباك اترعب و دلوقت نفس الحوار كنت بصلي حسيت بحاجة ورايا و تخيلت بحاجة ف طلعت من الصلاة بس لقيت اختي واقفة ورايا عادي ف انا معرفش ده عادي ولا انا اللي بقيت اتخيل حاجات وخلاص و المفروض اعمل اي عشان اطلع من الدوامة دي انا بقالي يومين بجد و الوضع صعب اوي حاسة اني مش قادرة اعيش و اني مقصرة اوي مع ربنا بسبب الحوار ده و من زمان اوي ملاحظة حوار أن لما اصلي بليل فجر أو قيام ليل ببقى خايفة و مش مركزة في الصلاة و حاسة أن في حاجة هتطلع من اي حتة ولما اقول لماما و بابا يقولولي مينفعش يعني بتخافي وانتي بين ايد ربنا ازاي و كمان سمعت أن ركن من أركان الصلاة الاطمئنان وانا مبحسش كده خالص بجد متضايقة اوي و كمان كانوا يقولوا أن اللي يخاف من الج...ن و الكلام ده يبقى إيمانه ضعيف طب اعمل اي انا عايزة اقوي إيماني و أقرب من ربنا اكتر انا بحفظ قرآن الحمدلله بس بردو حاسة اني بعيد و من ساعة الإجازة وانا مكسلة اوي مابصدق اخلص البيت عشان اقعد بالموبايل مش عارفة ابعد عنه ازاي ولا اعمل اي فيدوني

4

0