ابويا بيضربني انا و اختي من و احنا صغيرين و قافل علينا كل حاجة حتي الخروجات العائليه و بنتعلم بالعافيه و كل حاجة تطلبها بتيجي بضرب و زعيق و طلوع الروح ، و انا صغيرة شفت علي تيليفونة أفلام أبا****حيه و مكنتش فاهمة دا ايه و هو لما عرف اني شفت دا ضربني علشان مقولش لماما و عدي 8 سنين و مقولتش لحد بس هو بدأ يلمسني بطريقة غريبه و بيفتح عليا الاوضه بليل و انا نائمة و انا بحاول اتجنبه قدر الإمكان و بالصدفة شفت في تيليفونه صور و فيديوهات لبنات صغيرة فيها قله ادب و حجات استغفر الله و انا خايفة اوي منه و قلت لماما أنه بيلمسني و كدا بس مقولتلهاش علي الفيديوهات و هي قالتلي عيب و شتمتني و اني عايزة أوقع بينها و بين جوزها ، و الفتره دي انا بتجنبه خالص و مش بكلمه و بعامله كأنة مش موجود و امي بتقولي مينفعش و حرام و مش عايزة تصدقني في اي حاجة بقولها و لما صدقتني ف حاجة واحدة بس أنه بيدخل الاوضة عليا بليل و كدا راحت كلمته و هو قال اعمل الي انا عايزة و ادخل ف الحته الي انا عايزها ، المهم انا خايفة من ربنا اوي اني كدا بكون عاقة و اخد سيئات و بردوا مش عارفة ابعد الاذي دا ازاي و المشكلة أن اختي راحت سكن للجامعة و انا لسه قاعدة معاهم لوحدي ، مش عارفة اعمل ايه و اقول لامي علي الفيديوهات ولا لا و هل هتصدقني ولا لا ، و انا بقيت بكره ابويا جدا و حتي صوته مش بطيق اسمعة اعمل ايه و اتصرف ازاي ، دا غير المشاكل النفسيه الي بقت عندي و اني بقيت بكره نفسي و جسمي و خايفة علي ديني و مش عايزة اتكلم علشان ميحصلش مشاكل بس مش عايزة اسكت بردوا و هو سمعته اصلا كويسه جدا و كله بيحبه و محدش هيصدقني

7

10