حياتي واقفه ومش عارفه اتعامل بعد موت بابا

Question

انا عموما مليش أصحاب اوي كلهم معارف حتي مبخرجش خالص بسبب اني على طول لوحدي ف مبقتش بعرف اخرج ولما بخرج بزهق وارجع اوضتي ولو حد قالي بحبك ولا عايز يتجوزني بخاف وبشرب واختفي معرفش اتعامل بعد موت بابا بقي أصعب بقيت مش عارفه اشتغل ولا ارجع حياتي بقالي سنه حياتي واقفه 
معنديش طاقه 
روحت لدكتور نفسي ادانى علاج وادويه اكتئاب اخواتي مرديوش اخده قالو غلط ف بردوا مش عارفه ده صح ولا غلط

Banana_66468 🇪🇬 · Accepted Answer

انا والله نفس الموضوع بعد موت امي الله يرحمها حاسس ان البيت هو الامان وخلاف كده في مصايب بره البيت وما بحبش الخروج مع اني مش صغير وعندي اولاد

Watermelon_64423 🇪🇬 · Answer

لازم تفهمي نفسك اكتر

Almond_66463 🇪🇬 · Answer

فاهمه نفسي جدا بس مش عارفه بعد بابا ارجع زي م كنت

Lemon_65949 🇪🇬 · Answer

لازم يكون عندك اصرار وعزيمة علشان تخرجي من الحالة اللي انتي فيها .. واهم حاجة لازم تشغلي نفسك وتقضي يومك في حاجة بتحبيها .. وان شاء الله تقدري تتغلبي على الحالة اللي انتى فيها

Banana_62794 🇪🇬 · Answer

الفراق صعب . وفراق الموت بذات صعب واضح انك كنتي بتحبي بابا اوي . طيب خليني اقلك حاجه انتي لسه عايشة وبتتنافسي حياتك مواقفتش . ايوة الاكتئاب خلاكي متستحمليش الخروج برا الاوضة بتعتك بس الحياة محتاجه مواجهه . الحياة مش اوضتك او شربك كفايا هروب وعيشي ايامك برا .

Banana_62794 🇪🇬 · Answer

معندكيش طاقه لشئ.اقعدي فكري كدا لما بابا كان موجود وبتمرسي حياتك وهوياتك بشكل طبيعي . كنتي بتعملي ايه وازاي . لو كبيرة انصح جدا تنزلي شغل وكمان مرسي هوياتك الي سبتيها . اخرجي بابا اكيد مش عايزك كدا .لكن عاوزك سعيدة زي زمان

Almond_66463 🇪🇬 · Answer

هو كان داعم لكل حاجه حتي شغالى كنت باخد رايه ف كل حاجه حتي هدومي ف مش عارفه اثق ف حد ولا اشوف حد غيره

Almond_66463 🇪🇬 · Answer

نفسي اطلع بره الاوضه بس بقي عندي تروما من الناس

Banana_62794 🇪🇬 · Answer

ارتباطك بابا دا جميل جدا . بس بابا نفسه اكيد هيبقا عاوزك تعيشي مبسوطة .مقلتش تنسيه لا بس كفايا احساسك انه معاكي طول الوقت . وبعدين ياسطي انت كبير اهه وتقدر تنزل تشتغل . انا اشجعك تعملي كدا دلوقت . يلاه مضيعيش وقت .انتي مش لوحدك