أنا للأسف بعد مرور الزمن اكتشفت اني اتعودت واتربيت على عادات كانت السبب ف اني اوصل للنتيجة دي، بقالي كتير لوحدي وبحاول أفهم سبب كل التقلبات اللي فحياتي، أنا مثلا نشأت واتعودت اني ابقا شخص بعيد عن ااناس شويتين تلاتة ومبعملش حاجة مهمة ف حياتي، زمان كان الموضوع عادي بس دلوقتي الموضوع بيدمر كل حاجة خصوصا اني شاب والمفروض كها سنتين تلاتة وابدأ اواجه الحياة بس مش عارف هعمل ده ازاي، حياتي كلها عبارة عن اني ازاكر واعدي ف الدراسة وبس، ممكن ده يكون كفاية ف وجهة نظر بعض الناس بس لا، انا يعتبر مبنزلش من البيت ومبختلطش ب اس حد غير صحابي اللي اعرفهم وخلاص على كده، بحاول اغير اسلوب حياتي واجرب حاجات جديدة زي اني انزل مثلا واعد ف مكان لوحدي ازاكر او اجرب اروح جيم بس مكملتش ف اي حاجة وملقتش نفسي ف اي حاجة وفجأة برجع لنفس ال comfort zone بتاعتي، اتعودت اني اقدس مثلا فترة الامتحانات اللي زي دي كده و ان الموضوع بالنسبالي يبقا كبير اوي وده بيتعبني بزيادة، مع ذلك حاولت اغير الاسلوب ده ب اني مثلا ازاكر و ف نفس الوقت امارس حياتي طبيعي ب اني انزل شوية واطلع من البيت، بس وسط كل الصراع اللي بواجهه مع نفسي ومقاومة التغيير بيجو الأهل يرجعوني لنقطة الصفر وكأنهم بيعرفوني ب اني لا مش مسموحلي اعيش زي مانا عاوز، مع ان انا محدش يعرف عني اي حاجة ولا يعبف اني متشخص اضطراب قلق و احتمال اكتئاب ودماغي بتمر ب الف حاجة والف mood ف اليوم مع ذلك بحاول على قد ما اقدر اكمل واتغير بس مفيش حاجة اتغيرت من سنين، حياتي ف اعدادي زي حياتي ف ثانوي زي حياتي ف جامعة ومش عارف انا هدفي ايه ولا عندي ذرة طاقة أجرب واكتشف نفسي. بعتذر اني طولت بس انا كتوم ومبعرفش احكي لحد اي حاجة ولا حد يعرف اني بمر بكل ده.

10

7