ركزو معايا لو ممكناعندي 20 سنة انا مشوفتش يوم حلو في حياتي انا معشتش لحظة انبساط حقيقية واحدة ، انا تم التحرش بيا و الاعتداء عليا و تهديدي و انا في عادتي انسانة بعاني من توتر شديد و حساسة جدا اقل حاجة بتأثر في نفسيتي و بتكسرني و بتقهرني ، بحتاج اهتمام كتير و بحتاج حب و مبلاقيش ، والدي اتوفى من فترة و من ساعتها حياتي متلخبطة ، محتاجة الاقي شغل و نفسي ف فلوس كتيرة جدا ، انا الوحيدة المضحية في عيلتي ، لاجل ظروفنا انا بس اللي اتخليت عن دراستي و مصروفي و خروجاتي و حياتي و رغم كل ده والدتي بتدي و بتدلع ف اخواتي الكبار و انا مهما اعمل محدش بيحبني ، التعامل مع شعب مصر صعب و تاعبني و بيحكمو جدا و شتايم و تحرش و خوض ف اعراض معندهمش سياسة احترام ابدا ، حتى لما بيجيلي شغل بييجي نصب او شمال ، انا خايفة افقد نفسي خايفة اضيع و انسى نفسي ، انا تايهة اوي و خايفة من كل حاجة ، قربت من ربنا محستش بحاجة خالص انا محتاجة حل جذري مش إلهي لأنه معمليش حاجة ، انا عاوزة نصيحة و ازاي اكون قوية و اكتسب خبرات و الاقي شغل و انجح و ابطل توتر و اتعامل مع المشاكل بعقل مش حساسية و اقعد اعيط و اندب ف نفسي و اتعب ، هستنى ردكو في اسرع وقت ، شكرا مقدمًا.

6

15