انا عمرى ماوصلت.. الحياة بالنسبالى طريق طويل وسط صحرا ماشية فيها لوحدى.. الحقيقة معرفش انا رايحة فين او على الأقل هقف أمتى أرتاح شوية.. طول الوقت كان عندى أمل انى خلاص قربت وأنى شايفة اخر الطريق بس بيطلع سراب.. حتى السراب كان أمل انى لسه منستش شكل الارض المتعمرة والبيوت والجناين ودوشة الناس.. على فكرة في السكة قابلت ناس اتونست بيهم وبحواديتهم اهو تسلينا واحنا ماشيين ، بس كل ما حدوتة تخلص كان صاحبها بيختفى، الموضوع اتكرر كتير، فاتعلمت متعشمش فى وجودهم معايا وأكتفى بإنى أتونس بالحدوتة وانا متقبلة إنهم كدا كدا هيختفوا..انا لسه مكملة في سكتى بس قلبي حزين، لما الدنيا بتضلم وانا لوحدى بحس بخوف بس بصبر نفسي وبقولها أكيد هيلاقينا حد دلوقتي يمكن حد بيدور علينا أكيد هيجى شخص وميسبناش هيكون هو الدليل والأنيس ونهاية طريق مكان وصولى..

1

6