انا من و انا صغيرة و بابا دايما ملوش دور في حياتي كل مفهومه أنه يدفع الحاجة و كده عمل الدور و ماما دايما هي اللي كانت بتربينا و تعلمنا و تخرجنا و بتبقي تعبانه جامد و تضغط علي نفسها و كل ماتطلب حاجة من بابا يريح دماغه و يقول أنا تعبان انا دايخ مع أنه يقدر و من اربع سنين ماما اتوفت و انا حياتي معدتش زي ماكانت و بدخل في أمراض من الزعل و اتعب و بابا كان سايب الحاجة علي اختي الكبيرة و بيعمل نفس اللي كان بيعمله في ماما و اختي اتخطبت و هتتجوز قريب و انا بقيت كارهة حياتي مفيش حد معايا و انا اللي همسك البيت و بابا نفس الحاجة و بيمنعني من حاجات كتير بحبها هو كتر خيره لما ببقي تعبانه بيقوم بالواجب بس انا حاسه بالفراغ ماما كانت كل حياتي و اي حاجة كانت هي فيها . حبيت افضفض بس 🤍

3

4