عندي 31 سنة بستخدم كرسي متحرك عشان عندي ضمور عضلات. حياتي قبل 2023 كانت أفضل بمراحل، نفسيتى اتدمرت بعد 23 لأن صحيا خسرت كتير اووي ارتجاع مريئ وعملت عمليه في القلب ركبت منظم ضربات قلب وجالى التهاب شعب هوائية مزمن وانقطاع نفس اثناء النوم بقيت بستخدم جهاز تنفس أثناء النوم لبقيت عمري وبعد كده دخلت حوار امساك مزمنن استمر سنة عشان القولون تعبني وعضلات الجهاز الهضمي ضعفت. من فبراير2023 لسبتمبر2024 خسرت حياتي وبقيت حد تانى... حاسس انى كان المفروض اموت اسهل. بقيت بقضي نص يومي في السرير يضوب اقوم علي الكرسي 3 ل5 ساعات علي اخر اليوم، طبعا في أيام مكنتش بقدر اقوم اصلا. بقيت بشتغل من السرير اونلاين، مش عاوز أقول مجالي. بس مش قادر انسي حياتي القديمة كنت بقوم طول اليوم وبتنفس بسهولة وكنت جيمر وحياتى تتعاش. دلوقتي عاوز اقعد اعيط علي عمري إللي ضاع ولا عمري هتجوز ولا نيلة وخايف من السنين الجاية مرعوب. أنا مش إنسان سلبي بس تعبت. حد يقنعنى إن العيشه كدا اسهل من الموت.

0

5