حوار داير في رأسي مش عارفه اوقفه بحبه لا مبحبوش اصلا يعني ايه حب لا لا بحبه ده عسل اوي لا حب ايه وبتاع ايه ده مليش انا في الكلام ده بس ده بيحبني وكويس ايه المانع يا بنتي اعقلي انت اصلا مش عايزه تتجوزي هتدخلي نفسك في الدوامه دي ليه طب ما هو عايز يتجوزني مش دوامه يعني ولا حاجه ايوا تعلقي نفسك على حاجه مش عارفه اخرها اخرها خير ان شاء الله بعدين هو انا لسه هتعلق مهو انا اتعلقت بيه من زمان يادي الخيبه عليا وعلى سنيني خيبه ليه ده قمر هو فعلا حد يستاهل طب استناه ولا اكمل حياتي وخلاص كانه مش موجد كملي وسيبك منه بس ده بيحاول عشاني لا استنا احسن خلاص استنيه بس. مش عارفه هستنا كده لحد امتى هل هيوافقو بيه اصلا ولا لا هيوافقو ان شاء الله خير خير طب ايه اللي مخليكي متمسكه بيه كده هو محترم وبيحافظ عليا حتى من نفسه كفايه انه موقفين اي تعامل لحد ما يحصل حاجه بجد طب والشماعه دي هتفضل كثير وكل حاجه محلك سر مهو انا مش متمسكه اوي يعني ودي مش شماعه ولا حاجه دي حقيقة هتاخد وقتها لحد ما الوضع يبقا زي ما احنا عايزين امتى بقا يعني لما ربنا يريد اهو بدعي كل شويه وربنا يعمل اللي فيه الخير طب افرض الخير كان في البعد لا ان شاء الله الخير يكون اننا نكمل مش عارفه بقا انا قربت اتلحس من الحوارات دي

5

3