الوعي الزايد موت بالبطيء - مش عارف أتكلم مع حد

Question

يا جدعان بالله عليكو حد يعرف حل الوعي الزايد ؟!
زمان كنت بسمع " نعيم الجهل , جحيم الوعي " مكنتش بفهمها بس دلوقتي عرفت معناها ايه كويس

انا شايف ان لو عاوز تمـ/ـوت واحد موته قاسية خليه يكون واعي زياده     وسيبه بق للتفكير الكتيييير والاوڤر ثينكينج اللي ممكن يخلص علي البني ادم حرفيا

شعور قاسي جدا ان مهما اتكلمت او حاولت تتواصل مع البني ادمين دايما مش هيبقو فاهمينك ساعتها تحس انك غريب او بتتكلم لغه غيرهم تحس انك لوحدك والدنيا ماشية بالبطيء

وتبدا تشك ف نفسك + الاوفر ثينكينج = موت بالبطيء

الحوار دا بيسبب ارهاق عقلي كبير جدا ودا مينفعش يحصل لطالب في 3 ثانوي

لو محدش فهم البوست دا مش هتفاجئ لان دا بالظبط اللي بقول عليه

حقيقي متشتت جدا

Ice Cream_72590 🇪🇬 · Accepted Answer

يااااااه انت بتتكلم بلساني يسطاا

Mango_71162 🇪🇬 · Answer

سبحان الله
انا كل حرف انت بتقوله دلوقتي 
و انا ثانويه برضه

Popcorn_50198 🇪🇬 · Answer

مش عارف ازعل عشان حد بيعاني نفس معاناتي
 ولا افرح عشان اخيرا عرفت اني مش لوحدي واني مش غريب ولا حاجة

ربنا يسترها علينا ونعدي السنة دي علي خير

Mango_71162 🇪🇬 · Answer

حاجه وحشه اوي احس ان اللي حواليا مش فاهمنني و لا حتي انا عارفه اطلعلهم اللي جوايا.. و لو طلعته هيفهموه اصلا..؟ 
مافيش حد دماغه دماغي
الا قليل
تحس انك في عالم و هم ف عالم

Cheese_72991 🇪🇬 · Answer

يعم احنا كتير عادي وهي صعبة فعلا 
المشكلة انك بتتحشر في دايرة تفكير طويلة في افكار معظمها سلبية ودا بسبب ان اللي داخل لمخك حاليا كلو سلبي مثلا توتر ضغط نفسي قلق من اللي جاي وهكذا 
ودا طبيعي خاصتا في الوقت الحالي اللي انت فيها فرأيي غير المدخلات لدماغك وابعد عن التوتر قدر الامكان انزل اماكن هادية مثلا

Strawberry_59887 🇪🇬 · Answer

حاول تكون وسط الناس اللي بتفهمك وتقدر توصل للي انت حاسس بيه 
الوعي الزايد في مكان كله جهل بيتعب جدا جدا بعيدا عن الوعي في حد ذاته تعب 
حاول تكتب كل افكارك ومتخليش تفكيرك يفترسك لانك ده هيكون اكتر حاجه بتأثر عليك بعدين حاول تكتب وتتكلم مع حد يثق فيك بحيث انك تحس بشوبه هدوء

Croissant_66460 🇪🇬 · Answer

الفكره انا برضو كده نفس المعاناة دي مع التفكير الزياده وانك بتكتشف حاجات غيرك تايه عنها وانت بقا اللي دماغك تستلمك تفكير تفكير تفكير

بجد دي حاجه وحشه وصعبه 
انا كنت بقعد اقول لنفسي طب لو كنت زي الناس اللي مش عارفه حاجه دي مش كان احسنلي + الفرق اني مخلصة تالته ثانوي الحمدلله مش حياتي 😂

Popcorn_50198 🇪🇬 · Answer

بالظبط

Popcorn_50198 🇪🇬 · Answer

حصل ولله

Popcorn_50198 🇪🇬 · Answer

المشكلة عندي ان عندي اوفر ثينكينج في مرحله وحشه جدا مبقدرش ابطل تفكير في اي حاجة وكل حاجة حرفيا لدرجة ان دماغي بتوصل لمرحلة ارهاق وحشه جدا حاسس اني دماغي مقفول عليها ومفيش حل

Popcorn_50198 🇪🇬 · Answer

ولله طمنتوني اني مش غريب

Popcorn_50198 🇪🇬 · Answer

بالظبط تحس انك شايف حاجة محدش شايفها غيرك وان 
كلو شغال ع ×0.75

فكرتيني بالميم بتاع ... حياتي متدمرة اه بس مش 3 ثانوي 😎☝️

Coffee_73057 🇪🇬 · Answer

انا فاهمه جدا الموضوع لان انا كمان جت عليا فتره كنت كده او و بجد الوضوع كان متعب جدا بس لقيت حد نصحني و الحمد لله قرت اخرج من الدايره دي لما عملت بالنصيحه
هو نصحني اني املئ يومي بالذكر و العبادات و اني كل ما ادخل في الدوام بتاعتي ابدء اخرج نفسي منها و استعيذ بالله و استغفر و ممكن اقوم اصلي قضاء حاجه و بجد الموضوع فرق معايا بشكل مش طبيعي
اتمنى ان انت كمان تعمل بالنصيحه و تكون واثق في ربنا ثقه عمياء

Popcorn_50198 🇪🇬 · Answer

ولله بعمل كدا كل يوم

Coffee_73057 🇪🇬 · Answer

طب دي حاجه كويسه جدا و كمان جرب تكتشف مواهب اهتمامات جديده ليك و جرب اشغل يومك بيها بردو
شوف الحاجه اللي تريحك و تطلع الطاقه السلبيه اللي جواك فيها و كمان هتبقي مبسوط و انت بتعملها و َمكن يكون عندك كذا موهبه و انت مجربتوش تكتشفها

Popcorn_50198 🇪🇬 · Answer

مبحبش اكون بعقد الدنيا بس اللي بتقوليه دا ميمنعش المشكلة بتاعتي

Coffee_73057 🇪🇬 · Answer

ممكن اللي نفع معايا مينفعش معاك بس عمتا جرب اكتر من طريقه و ان شاء الله ترتاح في يوم