هحكيلكو حاجه حصلتلي مقدرتش اتخطاها فيوم من الايام اهلي قالو أننا هنرجع بيت العيله بتاع زمان والبيت صغير وانا مليش مكان فيه فقالولي هتعيشي مع حد لحد ما نبني بيت جديد وانا فرحت والشخص ده فرح انو اخيرا حد هيقعد معاه بعد ما كان عايش لوحده وفعلا خدت كل حاجتي ورحت اعيش معاه عدي فتره واهل الشخص ده بدأوا يضايقوني ف اهلي قالوله لو حد من اهلك ضايقها احنا هناخدها المهم كل فتره اهله يضايقوني وانا مش بعرف اتكلم لحد ما عدي سنه ونص والفترة دي جالي فيها كل الأمراض النفسية وحياتي باظت بسبب اهله وهو مكنش يعرف أن بيحصلي حاجه عشان مكنتش بتكلم المهم جيت وقررت اتكلم وحكيت لاهلي واهلي قالوله لو حد من أهلك عملها حاجه تاني احنا هناخدها ف هو قال حاضر وبرضو أهلو كانو مستمرين يضايقوني المهم اهلي قالو خلاص هتيجي عندنا البيت وخلاص انت خليك لوحدك فضل يعتذر ويعيط ويتحايل عليهم وخلي اهله يعتذرو لاهلي ورجعت تاني المهم عدي اسبوع بالظبط واهله اتخانقو مع اهلي واهلي جم بدون كلام ومره واحده قالولي لمي حاجتك هتيجي معانا ف انا اتصدمت وزعلت بس كان لازم الم حاجتي ولميت حاجتي وهو فضل يتحايل عليهم وكان ساكت خالص وانا خارجه من بيته لقيته قاعد فالارض وباصص للأرض وساكت وجت عيني ف عينه وقالي جمله واحده قالي كده هتمشي وتسيبيني مقدرتش ارد وسيبته وخدت حاجتي ومشيت وحتي مقدرش يخرج ورايا ولحد دلوقتي مردتش علي سؤاله ولا شوفته تاني ولا شافني ولا اتكلمنا وبعد ما مشيت اتصل بأهلي وقالهم كسرتوني ورجعتوني لوحدي وخلاص خلصت كده؟ ( الشخص ده مش ولد ولا راجل هي تيتا واهلها دول يبقو خالي ومراتو وعياله)

0

5