حبيت واحده لدرجة انها هي بنفسها قالتلي " انا مش مصدقه ان في حد ممكن يحب حد كده او يستناني كل ده" يعني بعد تلات سنين جايه تقول الجمله دي وتبعد؟ طب ليه ده انا عملت كل حاجه عشانك! هي المفروض انها كانت مسافره اول ما عرفتها عشان تكمل دراستها برا وكانت كل سنه بترجع شويه وتسافر تاني وكانت خايفه ف الاول اني اسيبها بسبب كده بس بالعكس والله ده انا وثقت فيها جدااا وفضلت جمبها ع قد ما اقدر ، تخيلوا متقابلناش ف التلت سنين دول غير كام مره حرفيًا ميعدوش ال ١٥ مره؟؟؟ ،اهلها مكانوش عارفين اننا بنتكلم وكنا بنتكلم ف الاسبوع حوالي مرتين او تلاته بالكتير بسبب ده ، ومع ذلك انا قولت مش مشكله شويه بس تخلص دراستها واتقدملها " مع العلم اني حاولت اتكلم مع امها كذا مره بس وافهمها اننا بنحب بعض بس هي مكانتش متقبله الفكره" المهم ان هي حته بعد ما رجعت مصر من قريب وخلاص كده مش هتسافر واهلها برا مصر وهي قاعده لوحدها يعني المفروض اننا هنعرف نتكلم واطمن عليها وكده بس لا ازاي ده الحال بقا أسوا من الاول وعلقتني اسبوعين وانا عمال ابعتلها وعايز اطمن عليها وفي الاخر الاقيها فتحت شافت المسدجات وعملت سين ومردتش؟! ، ده ف مره امها عرفت اننا بنتكلم وفضلنا تلات شهور منتكلمش ولما رجعتلي تاني لاقيتني زي منا ومستنيها ، ده انا مفكرتش حته ابص لغيرك وانتي مش موجودة يبنتي!!! و في الاخر بتقولي " حساك بتتسلى بيا ومش بتحبني وهبعد"

6

0