اكتشفت خيانة حبيبتي.. أعمل إيه وأنا مش عارف؟

Question

انا حبيت بنت اجنبيه ، هي مسلمه و منتقبه و محترمه جدا جداااا و اكتر حد اهتم بيا و فهمني و حبني بجد و شوفت حبها ليا ده في كل حاجة ، هي عايشه في مصر ، من فتره قالتلي لازم نتقابل علشان عندها حاجة لازم تقولهالي ف لما روحت و قابلتها فاجئتني انها كانت علي علاقه بشخص و غلطت معاه ، انا كنت مصدوم و سبتها و مشيت علي الرغم من أني كنت بموت وانا شايف دموعها قدامي ، مشيت و مسحت كل اللي يخصها و عزمت اني انساها بس خايف اكون ظالمها و خايف ملاقيش حد زيها لانها حرفيا اجمل حاجة حصلتلي و المفروض قريب كنا هنتخطب ، عاوز نصيحه ارجوكم بس كأنكم في مكاني ، اعمل ايه مش عارف

Biscuit_61779 🇪🇬 · Accepted Answer

سامحها

Onion_56875 🇪🇬 · Answer

من تاب كأن لا ذنب له ، ربنا بيعفو ويغفر فمن انت عشان ما تسامحش؟ بس لو حاسس أنك مش هتعرف تتعايش مع ده يبقى كل حد ف طريق ولو حاسس أنك هتعرف بما انه حاجة حصلت قبلك والبنت تابت وعرفت غلطها استخير ربنا وكمل ف الحالتين استخير يا اخ

Mushroom_63096 🇪🇬 · Answer

لو انت شايفها ندمانه فعلا وانت من جواك شايف انك مش هتيجي فيوم تعايرها بماضيها وهتعينها على التوبه وانها عمرها ما هترجع تاني فخلاص متخسرهاش وانا لو مكانك اعتقد كنت هكمل بس كنت هتقبل الموضوع بصعوبه شويه

Orange_63009 🇪🇬 · Answer

اولا هي غلطت غلطه كبيره ربنا يسامحها عليها و ارجوا انها تكون تابت لله توبه نصوحه . 
عايزه اقولك أن كل بني آدم خطاء .. ممكن الشخص الي عمل معاها كدا ضحك عليها بكلمتين أو متعرفش كانت اي ظروفها ساعتها .. ( انا مش بحط ليها اعذار هي غلطت و غلطه كبيره كمان ) 
بس اهم حاجه هي دلوقتي عامله ازاي ؟ 
شخصيتها؟ 
تابت و لا لا ؟ اتعلمت من غلطها ولا لا ؟ 
لو كانت فعلا انسانه كويسه معاك زي م حكيت فهي تستحق فرصه

Orange_63009 🇪🇬 · Answer

و كويس انها صارحتك بغلطها و مخبتش حاجه عليك و سابتك تكتشف دا بنفسك بعد م تتجوزها .. 
و بردو زي م الonion قال استخير ربنا و ادعي ربنا يكتبلك الي فيه الخير .. و ربنا يهديها و يهدينا اجمعين و يرزقها بشخص كويس يعوضها

Watermelon_62856 🇪🇬 · Answer

لو انت هتقدر تنسى وتسامحها وتستقبل الوضع ارجع ومشى الدنيا أما لو مش هتقدر ابعد لانك هتظلمها معاك

Banana_63099 🇪🇬 · Answer

علي حسب ال تشوفه .... بس فكر من غير مشاعر لانه حقكك تاخد بنت سليمه برضو ...ومع الوقت ممكن مش تتقبل دا فمش تخلي الشهامه تاخدك وتتدبس ومتعرفش تتأقلم

Chilli_29092 🇪🇬 · Answer

فتح عينك وشوف الحقيقه بعقلك واحكم من  بره وشوف هتقرر ايه

Avocado_62978 🇪🇬 · Answer

بص يا صاحبي، مش أي حد في الدنيا يقدر يحبك بصدق، ويفهمك، ويهتم بيك بالشكل اللي هي عملته.
البنت دي غلطت، آه، بس الغلط مش بيشيل كل الحب والنية الصافية اللي كانت منك ليها، ومن قلبها ليك.

في فرق كبير بين حد بيغلط وبيكمل في الغلط، وحد غلط وندم وراجع نفسه وقرر يبقى أفضل.
الناس مش ملايكة، وإنت كمان مش معصوم، وممكن تكون إنت في يوم غلطت في حد كان بيحبك،
بس كانت تتمنى يسامحك ويشوف اللي جواك مش اللي حصل بس.

Avocado_62978 🇪🇬 · Answer

بص يا صاحبي، الصراحة في الزمن ده بقت عملة نادرة،
وهي لما قررت تواجهك بالحقيقة كلها، فده مش ضعف منها، بالعكس، دي قوة واحترام ليك.
مفيش حد هيجازف بحبه ويبقى صريح كده غير لو كان عايز يبني على نظافة.

كلنا بنغلط، بس مش كلنا عندنا الجرأة نعترف ونقول "أنا غلطت" و"أنا عايز أبدأ من جديد".
هي ما خبتش، ما كدبتش، ما لبستش أقنعة، بالعكس، حطّت نفسها قدامك بدون تجميل.
وده أكبر دليل إنها بتحبك بصدق وعايزة تكمل مع

Avocado_62978 🇪🇬 · Answer

وده أكبر دليل إنها بتحبك بصدق وعايزة تكمل معاك على أساس واضح.

لو كل إنسان بيتحاسب على غلطته بس، من غير ما نشوف هو اتغير ولا لأ،
يبقى كل اللي بيتوب ويتعلم من غلطه ملوش فرصة.
فكر تاني...
ممكن تكون دي الإنسانة اللي هتعيش معاك على حقيقتها، مش على تمثيل.

ولو سبتها، ممكن تندم يوم ما تكتشف إن محدش بعد كده حبك وواجهك بالحقيقة زيها.

Almond_59534 🇪🇬 · Answer

شوف انت تقدر تنسا اللي حصل ولسه بتحبها وتعيش معاها عادي بدون ما تفكر في اللي حصل

Mango_63110 🇪🇬 · Answer

انا شايفه أنها غلطت أنها قالت لك دي حاجة بينها وبين ربنا ما تخصكش واعترافها بذنبها لربنا وتوبتها وقبولها لربنا انت اللي لك من يوم ما عرفتو بعض

Mango_58587 🇪🇬 · Answer

عرفتها منين لو سمحت عاوزين ناس اجنبية زى كدا

Watermelon_63094 🇪🇬 · Answer

ماشي يا جماعة بس هي مسلمة الاصل اصلا بلد مسلم ، يعني المفروض دي حاجة متحصلش ، انا عارف انها غلط كبير و هي اصلا والله ممكن من خوفها عليا متوافقش نرجع لانها بتقولي انا مش مستاهله اي حد ولا اي علاقه و هتعيش لوحدها  علشان متظلمش حد معاها ، انا مش عارف كل لما اتخيل ان ده حصل ببقي هموت مع انه قبلي ، بس ازاي حد شافها علي حقيقتها قبلي ، انا مش عارف افكر و دماغي واقفه ، و علي فكره ، نعرف بعض من زمان اوي

Watermelon_63094 🇪🇬 · Answer

من اربع سنين لكن هي قالتلي وصارحتني من اسبوع و قالت مكنش عندي الجرأه اقول قبل كده ، علقتني بيها و علقت نفسها بيا اربع سنين و ف الاخر فاجئتني بكده ف كل لما احاول اسامحها مقدرش بس قلبي لسه معاها علشان مشوفتش منها غير كل حلو

Watermelon_63094 🇪🇬 · Answer

ربنا هيدلني ان شاء الله

Watermelon_63094 🇪🇬 · Answer

مش قادر افكر و اقرر والله ، هسيب الموضوع لله و اللي فيه الخير ربنا هيكرم بيه

Watermelon_63094 🇪🇬 · Answer

احسن حاجة حصلتلي ، عمري مرتاحتش غير معاها بس ، خايف من عدم خوفها من ربنا وقتها ، خايف سمعتها تكون سيئه و بتهرب من هناك لمصر علشان حد يلبسها لانها عارفه محدش هيتجوزها مثلا ( الحد ده العبد لله ) مع العلم انها قالت مفيش مخلوق يعرف اللي هي قالتهولي ده خاالص ولا اهل ولا اخوات ولا اي حاجة

Watermelon_63094 🇪🇬 · Answer

عاوز ابقي انا الشخص الكويس اللي ربنا يرزقها بيه ، نفسي انسي اللي حصل ده و ابدأ من جديد علشان محتاجها و هي محتاجاني اوي

Watermelon_63094 🇪🇬 · Answer

صارحتني بعد اربع سنين خد بالك !!!! لو اول م عرفنا بعض اقولك ماشي لكن بعد اربع سنين ، مش عارف اسامحها علشان ظلمتني اني اتعلق بيها كده

Watermelon_63094 🇪🇬 · Answer

مشوفتش منها غير كل حلو من يوم م عرفنا بعض

Watermelon_63094 🇪🇬 · Answer

مش وقته يا مانجو 😂

Mango_58587 🇪🇬 · Answer

بالعكس وقته جدا انا ببحث من فترة وجه فى بالى الجاليات فى الازهر بسبرده معرفتشاوصلهم ازاى ارجو المساعده عن طرق الوصول والموصوع زواج مشلعي خالص

Mango_58587 🇪🇬 · Answer

يا اخى الموضوع معم انت فين

Avocado_62978 🇪🇬 · Answer

طب هي غلط. من قبل ما تعرفك ولاه بعد ما عرفتك

Watermelon_63094 🇪🇬 · Answer

كان برنامج قديم اوي مش شغال دلوقتي عرفتها من اربع سنين اصلا ف البرنامج موقوف دلوقتي

Orange_63009 🇪🇬 · Answer

خلاص صلي استخاره ولو لقيت نفسك مرتاح للموضوع خد خطوه في الحلال . طلاما انت قولت عنها ان هي دلوقتي انسانه كويسه .

Orange_63009 🇪🇬 · Answer

لو بردو انت شايف نفسك مش مرتاح مع الموضوع ومش عارف تتأقلم معاه .. احسنلك سيبها و ابعد و ادعيلها ربنا يرزقها بحد تاني .. وانت ربنا يوفقك لواحده تانيه تكون مرتاح معاها . و الوقت هينسي

Mango_58587 🇪🇬 · Answer

اول مره الاقي حد عمل حاجه صح من اسك،

Mango_58587 🇪🇬 · Answer

طب فى المدة دى معرفتش لو عاوز اتعرف على بنت ملتزمه مش مصريه سواء هنا او تحب تيجي هنا اعمل ايه

Watermelon_63094 🇪🇬 · Answer

فيه برامج كتير بس قليل اللي بتلاقي منه حد كويس ، يعني البرنامج اللي بقولك عليه ده استخدمته شهور يا مان لحد ما لقيت البنت دي ف الموضوع صعب شوية بس موجود يعني عادي

Mango_58587 🇪🇬 · Answer

ايوه موجود فين طيب دلني يا اخي متبقاش مصري كده 😅

Watermelon_63094 🇪🇬 · Answer

مش مصري يعم والله 😂 بس مفيش حاجة مضمونه كله بقي بضان و شغل قلة ادب مفيش مضمون زي م بقولك والله

Mango_58587 🇪🇬 · Answer

يا سيدي انت جالك عقده احنا لسلنا وسيبنا ناخد الفرصه

Mango_63110 🇪🇬 · Answer

معناه هي إنسانه كويسة بعدين يمكن حكت من كتر حبها لك وشعورها بالذنب كانت محتاجة حد يصالحها على نفسها