أنا عارف إني ماشي في طريق مش سهل، بس لازم أقول. من أول مرة شفتها، حسيت بحاجة مختلفة. كنت فاكرها مجرد زمالة واحترام وخلاص. لكن الحقيقة إني بحبها جدًا. كل يوم بشوفها، بسمتها وكلامها… بحس إن في حاجة جوايا بتتغير. بقيت أصحى وأنام وهي في بالي. حتى وأنا في الشغل، صورتها مش بتفارق خيالي. لكن في صوت جوايا دايمًا بيفكرني: "إوعى تخلط الشغل بالمشاعر." الجملة المشهورة اللي بتأكدلي إن الموضوع ممكن يقلب عليا. عارف إننا في مكان عمل والعيون علينا، وإن أي خطوة غلط ممكن تسيب أثر. ومع ذلك… كل مرة أحاول أبعد، بلاقي نفسي أقرب. كأنها جاذبية وأنا مش قادر أقاوم. حاولت أقنع نفسي إن ده مجرد إعجاب، لكن بصدق هو أعمق من كده. يمكن أكون غلطان، يمكن أكون حالم، لكن الحقيقة الوحيدة اللي مش قادر أهرب منها: إني بحبها. وهي السبب اللي خلاني عايز أبقى إنسان أحسن. ولو في يوم لقيت نفسي قدامها، يمكن أقول ببساطة: "أنا عارف إن الشغل ليه قواعده، وعارف الجملة المشهورة… بس قلبي اختارك. وإني عارف الكلام ال cliche بتاع مدخلش المشاعر في الشغل وان ده مكان اكل وممكن هي كمان واخده الشغل عشان تعرف تجهز نفسها وأن واحد مجنون زيي حبها واكيد رفضتني عشان واحد تاني في حياتها وانا لازم أتعامل معاها كزميل وهي اكيد. مش هتحب واحد زيي عشان مقولتش إني سبب تعبي هو اني بعمل مقابلات شغل كتير عشان اعرف اتقدملها بس انا جسمي بدأ يشتكي وبدأ يجيلي اغماءات كتير بسبب الرفض من المقابلات كان عندي حلم انك تبقي حلالي يظهر كدا الحلم بقا سراب لما اكتشفت انو مش هيتحقق

0

2