حب عمري اختفى فجأة وما عرفش ليه!

Question

للاسف اه كانت حب عمري من واحنا صغيرين حبيتها جدا والمشكلة اني كنت حاسس بنفس الاحساس من ناحيتها وفعلا روحت اتقدمت ليها وقعدنا في الخطوبة حوالي سنة ونص وكان خلاص فاضل حاجات بسيطة ونكون في بيتنا
فجأة حصل مشاكل بين الاهل والمشكلة انها تافهة جدا ميتعتبرش مشكلة اصلا واحنا كنا بنتكلم علي اساس اننا هنصلح بينهم وكده وده والله اللي كان في نيتي يجي يوم الوقفة اختفت مرة واحدة وعيدت عليها وعلي كام واحد من اهلها والمشكلة انها ردت عليا وهما كمان ومحدش قالي حاجة وكان المفروض اروح لامها اراضيها والموضوع يخلص
فجأة تختفي ومتردش عليا وتشوف رسايلي ومتردش وشالتني من عندها من كل حتة علي السوشيال والموضوع بيخلص
والمشكلة اني كنت فاكرها مجبورة علي كده بعد مية ماسدچ ردت عليا وقالتلي انها مش مجبورة ومش عاوزاني
انا لحد دلوقتي مستغرب اللي حصل ومش قادر اصدق من الصدمة والخذلان اللي انا فيه ومحتاج اتكلم فعلا مع حد يقولي ده ايه ويفهمني عشان انا حاسس اني تايه
مع العلم انا لسه ٢٤ سنة علي كل ده🙂

Hazelnut_52786 🇪🇬 · Accepted Answer

عزيزى : من لا يستحقك ويفعل المستحيل من اجلك 
لا تستحقه . ولا تفكر فيه . لا تلتفت الي الوراء . ستجد الأفضل باذن الله التي تستحق اهتمامك وحبك . وستكون لك السند والامان

Orange_43724 🇪🇬 · Answer

لو انت متأكد فعلا ومتأكد جدا انها بتحبك وانها ازاي عملت كده يبقي هما اجبروها انها تبعتلك انها مش مجبوره و مش عايزاك عشان انت تبعد وهي متفكرش فيك تاني
 بس انت برضوا لو عارف ان بابها ومامتها كويسين ميخلوهاش تعمل كده يبقي هي فعلا مش عايزاك

Avocado_53020 🇪🇬 · Answer

امها مش تمام للاسف وهي اللي ممشية البيت ايوها للاسف ملهوش كلمة

Orange_43724 🇪🇬 · Answer

يبقي كده فعلا 
لو قدرت تتواصل معاها وتطمنها قولها لو مجبوره قوليلي احاول عشانك لكن لو مش مجبوره يبقي خلاص
 و هي لو نصيبك هتجيلك يعني هتجيلك ولو مش نصيبك ربنا كاتبلك الاحسن