انا بعمل العاده من اربع سنين ، حاولت ابطل مليوون مره صليت كلو وحتي قيام ليل وبرضو بيبقي فيا طاقه بغباء وممكن اعملها كتير اووي في يوم واحد ، اشتريت كتب وقريت وحاولت اشغل نفسي ومش نافع ، واشتريت اسكيت وبرضو منفعش ، لغايه ما صحبت بنت معايا في الجامعه ، اتصحبنا لمده 15 يوم ، طول الـ15 يوم دولت معملتهاش ولا مره ولا جت في بالي حته ، وكُنا صحاب عادي وبنحترم بعض وعمرنا فكرنا في حاجه وحشه ،وكانت محترمه ، بس بعد الفتره دي جت قالتلي انها بتحبني ، بس بصراحه مكنتش حاسس حاجه في اتجاها ، بس فكرت لو سبتها انا كده هرجع للقرف اللي كُنت بعمله ، بس رجعت فكرت تاني ، دي لو بنت او واحده من اهليِ انا اوافق بكده ، جاوبت بـ لا ، روحت قايلها انا مش حاسس حاجه اتجاهك ولو نفضل اصحاب احسن ، وراحت تاني بكلمها مردتش عليا ، وبعدها رجعت للقرف ده تاني ، بس مش عارف كُنت اضحك عليا واقول اني بحبها علشان اكمل معاها وهبطل القرف ده واكون معاها ، بس قولت لنفسي دي مشكلتي انا ، يبقي انا اللي هاذي نفسي وماذيش حد تاني 😞 وياريت اللي عندو نصيحه تفيدني يقولي لو سمحت ، وجزاكم الله خيرا...

8

5