حاسه بالقرف من علاقاتي القديمة ومش عارفة أقطعها

Question

حاسه بالقرف مني لأني كونت علاقاتي كتير أوي أوي أوي في سِن صُغير جدًا كُنت محتاجة أسمع كلام حلو محدش كان بيقولي في أضطريت أسمعه بس بطريقة غلط و لحد دلوقتي أنا على علاقة معاهم عادي بنتكلم نتصاحب ونهزر و أرتبط من اربع سنين بشخص غير سوي نفسيا لكني حبيته جدا بقا بينا تجاوزات كبيرة و عشان بقا بيتبسط معايا ب ده "أنا عُمري ما كُنت مبسوطة ب ده أنا بعمله عشان ميبعدش عني لأني بحب وجوده" 
قرر يعرف حد من صحابه على اللي بينا و امبارح دخله معانا في مكالمة عشان يسمعني

أنا قرفانة مني أوي أوي أنا دارسة فقة و حافظة قرآن و مُنتقبة عارفة ربنا كويس أوي وبسيبه كتير عشان حرام وبعدين بنضعف وبنتكلم تاني حقيقي الوضع غير مُريح بالنسبالي بالمرة أنا عايزة أبطّل أعمل كده

للمعلومة اشتريت أرقام جديدة غير أرقامي اللي معايا  وعايزة اشتغلهم لكن بابا لو عرف أني عملت كده هيقولي هات القديم و أنا مش عايزة كده و القديم باسمه و عادي يروح يطلعه تاني لو رفضت او كسرته او ضيعته او غيره دماغي هتتشل و معنديش فكرة أفاتح أهلي في الموضوع إزاي

بفكر اقول لبابا يتنازلي عن الخط القديم و لما يبقا باسمي أقفله خالص لكنه مش هيوافق حد عنده حل أنا مش عايزة ده يحصل

Carrot_62052 🇪🇬 · Accepted Answer

﴿قُل يا عِبادِيَ الَّذينَ أَسرَفوا عَلى أَنفُسِهِم لا تَقنَطوا مِن رَحمَةِ اللَّهِ إِنَّ اللَّهَ يَغفِرُ الذُّنوبَ جَميعًا إِنَّهُ هُوَ الغَفورُ الرَّحيمُ﴾ [الزمر: ٥٣]

Mango_55662 🇪🇬 · Answer

اقفلى الخط تماما ووقفى مع الشخص ده عشان كده مش بيحبك كده ديوث... وخدي فترة تعافي عشان انتي بقيتي فى مرحلة ادمان

Chocolate_61968 🇪🇬 · Answer

نفسي أعمل كده لكن أهلي مش هيسمحولي اقف الخط فهماني؟

Coffee_61291 🇪🇬 · Answer

مش هقدر اقولك غير ربنا يهديكي ويعفيكي علي الي حضرتك في علشان حضرتك غلطتي غلطه كبيره اووي بس ربنا بيسامح ونصيحتي ليكي تبعدي عن ده كلو حته لو هتقفلي ارقامك كلها لفتره وترجعي لربنا ومتعديش ف البيت كتير وتحولي تنزلي شغل بحيث متفكريش انك تتكلمي او تضيعي وقتك معه حد

Mango_55662 🇪🇬 · Answer

احظر ارقمهم ومترديش على اي رقم غريب واحظريه وامسحي كل حاجة حتي لو هتمسحي كل حساباتك

Banana_61920 🇪🇬 · Answer

بصي ي اخت بما انك بنت ف اتمني تفهمي الكلام ده الشخص ده لو اتجوزك هيعرضك لصحابو هي دي متعتو الشخص ده ديوث لو تقبلي تتجوزي واحد مفكره انك بتحبيه او هو بيحبك يعرضك لصحابو ف ده يبقي مرض فكري فيها ولو دارسه فقه ف اكيد سمعتي عن القرف اللي هو فيه ف اخلعي دلوقتي قبل م تقعي فيه مفيش حاجه اسمها الخط وابويا اكسري الخط او ارميه وانكري واكدبي عشان مصلحتك الا لو ماسك عليكي حاجه ف ده هيبقي موضوع تاني

Popcorn_35182 🇪🇬 · Answer

ويحاول معاكي ب اي طريقه و يحاول يوصلك أو يهددك متشغليش دماغك ولا يقدر يعمل حاجه ابدأي صفحه جديده شكلك بنت طيبه ملكيش ف العك دا و ممكن تجيبي خط جديد و تخلي القديم معاكي تعملي فيه خاصيه أن اللي يتصل يديله أنه غير متاح

Blueberry_61982 🇪🇬 · Answer

اقطعي علاقتك ب اي حد بيرجع لطريق دا وحبي نفسك عشان هي متستهلش كدا اتصاحبي علي بنات واشغلي وقتك والرقم متستغنيش عنو دلوقتي بس حاول لما يكلمك تقفلي ف وشه واعمليلوا بلوك هو طبعا مش هيستسلم وهيبعت ارقام تكلمك اعملي بلوك علي طول لحد ما يبطل تقدري تكسري تبيعي تدي لباباكي ومع الوقت هتبان معاكسات واتعافي وسامحي نفسك وارجعي ارجعي لقراية القرآن والصلاة انتي فوقتي ودا المهم ولو احتاجتي مساعده تقدري تكلميني

Potato_62023 🇪🇬 · Answer

انت بتعملي ريبورت ليه ؟

Orange_58328 🇪🇬 · Answer

بصى اقفلى الواتس على الخط ده خالص وحطى الشخص ده واى. حد عاوزه تقطعى معاه فى البلاك ليست ووخليه معاكى باباكى يرن عليكى منه ولا حاجه وشغلى الخط التانى لصحابك واهلك بس خلى الخط معاكى علشان لو حد من الاشخاص دول  رن او حصل اى حاجه محدش من اهلك يعرف ربنا يسترك دنيا واخره ويبعد عنك الحرام وولاد الحرام ويرزقك باللى يعفك ويريح قلبك

Pistachio_56152 🇪🇬 · Answer

متعمليش اي مكالمه من القديم لمده ٣ شهور وهيتقفل لوحدو وساعتها والدك مش هيعرف يرجعو متقاقيش وانشاء الله ربنا يثبتك مدام نويتي

Mango_56683 🇪🇬 · Answer

اولا الموضوع بسيط جدا لكن محتاج بعض التظبيط يعني اولا اذا بليتم فاستترو يعني متعرفيش حد من اهلك باللي حصل 
ثانيا موضوع الحط انتي ممكن متعمليش منه اي مكالمات لمده ٣ شهور متواصل هيتوقف عنه الخدمة تلقائي
و متقلقيش لكل مشكلة حل لكن بهدوء هتقدري تحلي كل مشاكلك

Mango_61542 🇪🇬 · Answer

يعم بلاش قرف بقي انت وهوا وصاحبه خرااا عليكو🥲🥲