انا الحمدلله في نعم كتير بس حاسس إني محبط الفترة دي و حاسس ب وحشة شديدة و اني لوحدي الى حد كبير. انا مش ملاك و غلطت كتير في حياتي بس اعرف الحلال و الحرام و بحاول دايما أعمل الصح و أبعد عن الغلط...و لو عملت حاجة غلط ببقى عارف و زعلان و بسعى اصلحها. المشكلة دلوقتي انا اصلا مش شايف نفسي راضي عن مستوايا الديني...بس للأسف اغلبية المجتمع حواليا مستواه الديني اضعف بكتير سواء في الشغل او في الشارع...و ده بيخلي ناس كتير تبصلي على اساس اني متدين و واو بقى اني اعرف كل المعلومات الدينية دي مع ان المصيبة ان دي اساسيات اصلا! و ده شيء بيرعبني لأن الواحد بدل ما يقول لا شوف فلان ما شاء الله عامل إزاي و بيصلي إزاي و بيعمل خير ازاي لازم احاول ابقى زيه....الواحد علطول شايف نفسه أحسن الى حد ما من اللي حواليه (و دي كارثة و تكبر). بس انا مش لاقي حد ينصحني و يزوق معايا و هكذا...الناس كلها ضايعة او شبه ضايعة. كان ليا واحد بس صاحبي جدا و ما شاء الله متدين و ده اللي كان بينصح و يسبقني في الخير بس بسبب ظروف الحياة معدش ينفع نتقابل حاليا فحسيت بوحشة و وحدة اكتر. و اخيرا كتير من نوعيات المشاكل اللي في التطبيق ده زعلتني اكتر و حسيت ان فعلا المجتمع ده مش مكاني بس مليش حتة تانية اروحها. معتقدش حد هنا هيقول حاجة تنفع بس حسيت محتاج اكتب الكلام ده في حتة...

1

3