حاسس بفقدان شغف ومشاعر - مش عارف إيه السبب

Question

حاسس بفقدان شغف ومشاعر وكل حاجه مفقودة تقريباً .
ممكن أقضى أسابيع كامله على السرير ماسك الموبايل بدون ما أعمل أى حاجه ومش عارف إيه وصلنى للمرحلة دى حتى ولا ليه اتحولت من نشاط كبير وإستمتاع بالحياة لفقدان شغف وانعدام مشاعر .
مش عارف حتى اوصف الموضوع كويس أو أفكر فيه

Pineapple_55114 🇪🇬 · Answer

علي حسب انت سنك كام سنة ردي هيفرق .. ممكن تقولي ؟

Coffee_56169 🇪🇬 · Answer

٢٦ سنة

Almond_56173 🇪🇬 · Answer

ممكن تعاني من أزمة منتصف 20 تحتاج طبيب نفسي لإعادة أفكارك بصراحة خاصة لو الحاله قوية

Coffee_56169 🇪🇬 · Answer

بحاول أبعد عن الأطباء النفسيين للجوءهم للأدوية

Almond_56173 🇪🇬 · Answer

اعتقد تحتاج علاج نفسي سلوكي و ليس دوائي لانك كويس تحتاج تغيير في نظام حياتك نوم صحي و رياضة و كتابة لمشاعرك و كيف تشعر و تدريبات كثيرة سوف تجعلك افضل فقط و بالتوفيق ربنا يكون معك

Pineapple_55114 🇪🇬 · Answer

انا في سنك وبحس نفس المشاعر.. بس انا حاسة اني قادرة اجمع شوية من اسباب ده .. حاسة ان انفتاحنا علي السوشيال ميديا اللي بقيت موضحالنا الدنيا فب صورة مش حقيقية كلها إنجازات وسفر وخروجه حلوة ممكن مع الوقت بتطفينا ناحية الحياة الحقيقة .. ممكن لو لقينا اننا مش مبسوطين وحسينا الحاجات دي عمرنا ما هنقدر نعملها بشكل ده نحبط من الحياة ونفقد الشغف فيها .. فقدان الشغف ممكن يكونله اسباب كتير عامة ..

Coffee_56169 🇪🇬 · Answer

هو للأسف أنى محقق كتير فى حياتى، لكن وصلت الفترة دى مفيش طاقة ولا حتى شغف
كل اللى بيحركنى هو المسئولية لكن بدون هدف حقيقى أو طريق
كأنى صدى لصوت كان

Coffee_56169 🇪🇬 · Answer

هفكر أستشير طبيب لو كده

Pineapple_55114 🇪🇬 · Answer

حلو اوي الوصف.. كأني صدي لصوت كان.. جميل فعلا .. 
متجوز؟ لو متجوز وعلاقتكم مش احسن حاجة الوقت ده فا ده ممكن يكون سبب كبير..

Coffee_56169 🇪🇬 · Answer

أعزب

Pineapple_55114 🇪🇬 · Answer

طيب اخر حاجة ممكن اقولهالك ان اول إجابة بتيجي في دماغك لسؤالك اللي انت كاتبه هي الإجابة الحقيقية.. مهما قعدت تقول لنفسك ان لا او انها حاجة بسيطة او قديمة او ايا كانت المبررات بس صدقني انت بيكون في سبب عارفه بس بتتجاهله فا اول إجابة هي في الأغلب الإجابة الحقيقية.. واتمنالك روحك ترجعلك وصوتك يرجعلك ميبقاش مجرد صدي.. بتمنالك وبتمني لنفسي ♡

Coffee_56169 🇪🇬 · Answer

تسلم يا صديقى على النصيحة 🤍

Orange_56289 🇪🇬 · Answer

جرب تشوف شغفك في اي مجال و كمل فيه وحاول تبدع.... جرب حاجات جديده تبعدك عن الموبايل

Coffee_56169 🇪🇬 · Answer

مستقر فى مجال بحبه بالفعل