حاسة بالإحباط والعجز بقالي أيام متواصلة مش قادرة آكل (وفي العادي حتى أكلتي ضعيفة) مش عارفة أذاكر مع إنه أسهل ترم دراسي يعتبر وكل والعوائق عن الترمات اللي قبل كدا شبه مش موجودة وحليتها الترم دا في المفروض الإنجاز بتاعي يبقى احسن بكتير، مش قادرة ألاقي شغفي أو عزيمتي تجاه حاجة، حتى إن الأكل بقى زي المهمة الصعبة اللي بجبر نفسي عليها، أهلي مش مقصرين معايا في حاجة، بس لما بيسألوني عن أكلي وصحتي ومذاكرتي بيفضلوا يقولي احنا قصرنا معاكي في إيه كل حاجة عندك ليه مش بتذاكري وليه مش بتاكلي شوفي نفسك تاكلي ايه وهاتيه طالما مفيد.. بس انا مش عارفة بجد مليش نفس لأي حاجة، بابا قالي احنا بنطفح الدم هنا عشان نفسنا تكوني كويسة من كل النواحي مش اتفاجئ كل شوية انك تعبانة ومش قادرة وممكن تدوخي روحتي لكام دكتور ومفيش جديد، اللي احنا فيه دا اسمه دلع، هو الواحد لازم يموت قدامكوا عشان كل واحد فيكوا يقدر اللي بيتعمل علشانه، دا لو حد سمع واحد بنقول معرفش آكل إيه دي هيقول دي ناس مبتفهمش ولا بتفكر.. انا قلبي واجعني عليهم مش ببقى عايزة اقولهم عن أي حاجة عشان ميقلقوش وفي نفس الوقت بحاول اصلح من نفسي إني أحاول آكل كويس وأذاكر وأشوف الحاجات اللي ورايا بس انا مش قادرة ولا عارفة اعمل اي حاجة وكلامهم دا كله في بالي ومضايقني اوي من نفسي لحد الموت.. لما هم بيقولوا كدا كمان بحس قلبي هيقف من الألم وراسي صداع مؤلم اوي مش قادرة استحمله بيخليني عايزة أفضل نايمة طول الوقت.. مش حاسة إني قادرة أكون بني آدمة طبيعية عايزة استسلم وأسيب كل حاجة.. بس عارفة إن دا مش حل صح.. أنا عايزة ومتحاجة مساعدة دا اللي أعرفه.. بس فين وامتى وازاي؟ مفيش إجابة.. وكله نانسينس وبلا معنى

6

2