حاسة إني برجع لفترة مش عايزة أرجع ليها

Question

حاسة اني برجع لفترة مش عايزة ارجعلها ، مبقتش اهتم ب أكلي و نومي و شربي و دراستي و دايما تعبانة و مهما نمت مش بكتفي من النوم و ايام كتير بصحى و مش بعمل حاحة مفيدة ف يومي ، حتى والدتي لاحظت و اهو شوية تتخانق معايا و شوية تكلمني انا فاهمة انها قلقانة عليا بس هي ضاغطة عليا بجد و مش فاهماني و حتى انا مش فاهمة نفسي

Grape_25677 🇪🇬 · Accepted Answer

من كتر الضغوطات اللي علينا في الحياة وخصوصا لو انتي شخص كتوم بيعملو كدا وبيوصلو الانسان لمرحلة هو نفسه مش حابب ابدا انه يكون فيها.حاولي انك تهتمي بصلاة قيلم الليل اكتر واتكلمي مع ربنا على كل حاجة حتى لو مش كبيرة وعيطي وطلعي كل اللي جواكي وصدقيني محدش هيفمك ولا هيحس بيكي غيره واعرفي ان مفيش حاجة تستاهل انك تقصري ف اكلك ونومك عشانها ف صلي على النبي كتير وهتلاقي انك اتحسنتي حتى لو متعرفيش السبب حتى

Mango_15394 🇶🇦 · Answer

صلي و قربي من ربنا اوي و اكشفي و خدي  فيتامينات و حاولي تخلي في اليوم ساعه تدلعي نفسك اعملي اللي بتحبيه مش اللي الناس بتحبه ابسطي نفسك

Strawberry_25987 🇪🇬 · Answer

عادي ان احنا نحس ف فترة ان احنا مش قادرين نعمل ابسط الحاجات ف متضغطيش ع نفسك بس هقولك أنا بعمل اي ف الأوقات دي بحاول اصحي بدري يوم وانظم أوضتي وأغير ترتيبها وأشغل قران  واجيب حاجة فيها زرعة جديدة مثلا  كدا وباخد شاور وبعمل سكين كير وبتعامل اليوم دا لنفسي بس وبفطر فطار بحبه او اخرج افطر بره وبجيب حاجة ليا بحبها وانا راجعه واتفرج ع كرتون مثلا او اي حاجة بحبها واحط ميكب بجد حاولي تاخدي يوم ليكي وبس