زهقانة دايماً ومش عارفة أعمل إيه

Question

حاسة اني دايما زهقانة مفيش اي حاجة بتبسط لما بعملها بعمل كنت بعمل حاجات كتير ويومي مليان وبردو زهقانة طب اخرج واتفسح مع صحابي بردو زهقانة اعمل حاجة جديدة بردو زهقانة ومفيش اي حاجة بتديني احساس بالسعادة دايما عااادي وبدأت ميبقاش ليا مزاج اعمل اي حاجة من الي بعملها زي القراية مثلا حتي حفظ القرآن والصلاة بطلتهم ومش قادرة ارجع ليهم تاني 
حاسة اني محتاجة حد في حياتي بس كل ماحاول اتعرف ع حد يدوب نتكلم مرتين تلاتة ومش بنكمل مش بحس انه دا الشخص المناسب ليا والي بحس انه الشخص المناسب وناخد خطوة بقا هو الي يمشي من غير تبرير من غير حتي رد انه لا مش مناسبين لبعض مثلا .. 
مش عارفة ايه الحل ومش عارفة ايه المشكلة اصلا ...

Chilli_48447 🇪🇬 · Answer

المشكله كلها انك لوحدك ومفيش حد جنبك يتابع معاكى يومك يسمعك يخرج الدوشه والزحمه إلى فى دماغك إلى مخلياكى تايهه ومش عارفه تخدى قرار

Avocado_54882 🇸🇦 · Answer

انا نفس الكلام وتقريبا انا كنت كاتب الكلام دا الصبح وبعد كدا نمت ولقيت البرنامج عمل update والكلام اتشال حتى البرنامج اللى معرفشين مضهدنىً😂😂😂😂😂😂

Apple_59935 🇪🇬 · Answer

انا نفسي مشكلتك بردو وكاتب عنها هنا ونفسي بردو في حد يكون نفس الليفل الل انا فيه ويكون مبنا علاقه قويه مش اي كلام

Hazelnut_52786 🇪🇬 · Answer

اللي بتحسي بيه ده اسمه فتور أو اكتئاب بسيط، وده بييجي لما النفس تتعب من جوّا حتى لو كل حاجة حوالينا شكلها تمام.
حاولي ترجعي لحاجه واحدة بتحبيها بالتدريج، حتى لو حاجة صغيرة، وركزي في الروتين اليومي يفضل فيه حركة وحاجات تدي طاقة.
الموضوع مش في الناس اللي بتعدي، الموضوع في إنك تبقي تمام من جواكي الأول، وساعتها الصح هييجي في وقته

Hazelnut_52786 🇪🇬 · Answer

متفضليش تستني حد ييجي يملالك الفراغ، إنتي اللي تقدري تمليه بحاجات تحبيها وتريّحك.
ابدي بحاجة بسيطة زي وردة في أوضتك، مشوار لوحدك، أو حتى كوباية شاي على البلكونة.
ورجوعك للصلاة وحفظ القرآن هيكون أسهل لما تحسي إنك بتشبعي روحك الأول، مش بتعمليهم كواجب

Cookies_59095 🇪🇬 · Answer

مش كده حاول صلي على النبي صحيت متمسكش التلفون تمام افطر كده خد دش شوف البيت تروق مثلا شغل اغاني ست ال هيا ام كلثوم كل دا متفتحش نت خلص بيت مفيش حاجه وارك ممكن نتفتح نت خمس دقايق كده اعد كده احسب لي بكره طب انا لو لقيت حد بيتقدمي اعمل ايه ولا لما اكون ست بيت اعمل ايه يعني كده ماشي ممكن هنا نفتح نت ننزل استوري اهم حاجه ولا رمنسي ولا حزين ولا مهرجان هو اي حاجه متعرفش ناس انتي حالتك عمله ايه ممكن نطمن