ظالمه نفسي واهلي بسبب حب شخص ماستحقش

Question

حابه اقول اني واحده اديت حبي واهتمامي لشخص لدرجه اني معنديش طاقه احب حد تاني ولا حتي اهلي محتاجه بجد دكتور نفسي علشان حاسه اني ظالمه اهلي وظالمه نفسي جدا
هو الشخص يستاهل الحب دا كلو بس بجد انا مأزيه اني انا بس اللي بدي  🫠

Popcorn_69454 🇪🇬 · Accepted Answer

انجح عنصر في اي علاقة حب هو التضحية من الطرفين، سواء كان التضحية دي زي وقت او اهتمام او حتي مجهود نفسي و صحي.
لو حاسة انه الطرف التاني مش بيضحي بأي حاجة من دول او مش مهتم بيكي يبقي اعرفي انه مش حطيك في دماغه كشخص اساسي في حياته.
نصيحتي ليكي هو انِك متطلبيش حاجة من حد مستنية منه حاجة كعائد و اعتبريه نوع من انواع الامتحان عن الشخص و لنفسِك كمان انِك تعرفي هل هو حقيقي بيحبِك ولا لأ.

Banana_68504 🇪🇬 · Answer

طيب وانتي ليه بتحبيها للدرجه دي وياتري هوا بيحبك زي ما بتحبيها كدا

Cookies_68499 🇪🇬 · Answer

هو ف الغالب انتي حبيتي بتعلق لدرجة انك علقتي حياتك كلها وحبك علي الشخص ده بس ف لازم تتكلمي مع ثيرابيست فعلا او انك تحاولي تشوفي لنفسك هوايات وحياه بعيد عن الشخص ده مش غلط انك تحبيه لكن للدرجه دي وانك تكوني مقابل ده ظالمه نفسك وال حواليكي انتي كده بتلغي الدنيا كلها علشانه

Avocado_69457 🇪🇬 · Answer

انا حبيتو لانوا يستاهل الحب دا هو جوزي اولا وكل مواقفه معايا حلوه بس ليه ماضي مش قادره اتخطاه برغم عن ذلك مش قادره ابطل احبو بحبو حب جنون هو بيحبني مس مفيش مقارنه بين حبي و حبه لاني بعشقو حرفيا دا شئ ارهقني داخليا لانوا مأثر علي علاقتي باللي حوليا واولهم اهلي

Strawberry_69449 🇪🇬 · Answer

بصي اصلا اكتر حد لازم تديه الحب هو نفسك علشان نفسك هي الوحيده اللي هتفضل معاكي لاخر حياتك و معاكي علي طول
لو حبيتي نفسك ثقتك بنفسك هتزيد و هتبقي احلي في نظر نفسك و حياتك هتتحسن كتيييير صدقيني
و بعد كدا حبي اهلك.. انا عارفه ان احيانا بنتخانق معاهم كتير بس هما بيحبوكي
و لو شايفه ان الشخص ده بجد يستاهل فحبيه بس مش زياده عن اللزوم علشان في ناس لما تلاقي انهم بياخدوا حب زياده غرورهم بيزيد

Banana_68504 🇪🇬 · Answer

بصي انسي الماضي وخلي حبك ليه ف القلب مش لازم تبيني للي حوليكي واتعاملي طبيعي معاهم وقربي من ربنا اكتر

Avocado_69457 🇪🇬 · Answer

هو حد قدم علشاني كتير قبل م نتجوز لدرجه اني شوفت غلطات كتير و ماضي سئ مع تقرب الناس ليا و عديت علشانو لدرجه اني ممكن اشوف كل الناس وحشه الا هو مش هكدب هو السبب في اني احبو لاكن  ٩٩.٩من الكلام دا و المواقف دي اختفت بعد الجواز فيه حب وفيه لطف بس بالقطاره هو شخص عادي وانا بحب الكلام والغزل وكدا بس هو شخص فعلي ومع ظروف الحياه الافعال بتكون قليله فاهمه اصدي

Avocado_69457 🇪🇬 · Answer

ماضيه ميتنسيش لانو كان خيانه قبل اي ارتبطات بس ليه سميتو خيانه لانو خاني مع اقرب الناس ليا ف ديما حاسه اني مخيره بينهم فهماني

Banana_68504 🇪🇬 · Answer

مش عارف اقولك ايه والله هوا خانق قبل الجواز لو قبل الجواز وربنا تاب عليه وخلاص الموضوع خلص ف حاولي تسامحيه لاني ربنا بيتقبل التوبة احنا البشر مش هانتقبل يعني

Avocado_69457 🇪🇬 · Answer

حرفيا هو هويتي وحبي الوحيد انا حد مش اجتماعي خالص ويمكن التطبيق دا ساعدني كتير انا لسا محملاه ولاكن انا سخص اتربيت علي مفيش كلام مع ولاد ولا علاقات محرمه مش بسلم علي صبيان ولا اي حاجه فهو لما جيه خد كل طاقتي و جربت معاه كل حاجه لاول مره ف حاسه ان مفيش غيرو فالدنيا

Avocado_69457 🇪🇬 · Answer

انا فاهمه لا كمان قبل الخطوبه بس المشكله خاني مع مين 💔

Watermelon_69390 🇪🇬 · Answer

معاكي دكتور نفسي اتفضلي

Avocado_69457 🇪🇬 · Answer

مش بكتسب الثقه غير منو هو لاني شخص جدا معقد وتعرضت للتنمر من اهلي كتير لمجرد انهم بيغيرو ف بيحاولو يقللو من شأني ف لقيتو هو الوحيد اللي شايف كل المزايه اللي فيا ف ليه لا

Banana_68504 🇪🇬 · Answer

ممكن تكون ساعة شطان وراحت لحالها حاولي تتقبلي انو رجع وتاب ومش هايعمل كدا تاني كل ما تفتكري الموضوع ده افتكري انو تاب ومش هايرجع تاني ودي كانت غلطة وي نزوه وعدت ام انتي حقيقه وجزا منو وخلاص مستحيل يخونك تاني لو بيحبك

Popcorn_69454 🇪🇬 · Answer

فاهمِك جدًا. الجواز دا في حد ذاته لازم تعتبريه نجاح لعلاقتكوا وهي اه بداية لحاجات كتيرة زي ترابط اهليك و اهله اكتر و تكونوا في علاقة صحية مسالمة فيها حب و مودة، بس من الطبيعي جدًا بردو انه يبقي في ملل، زهق، ضغوطات، و بردو كره تعتبر احتمالية واردة.
نصيحتي هو انه من العادي انِك تدي لنفسِك فرصة انِك تشوفي اهليك اكتر و ترجعي تتكلمي مع اللي كانوا بيحبوكي زمان و في نفس الوقت جددي علاقتِك مع زوجيك اكتر.

Cookies_68499 🇪🇬 · Answer

اه تمام فهمتك انتي ممكن لو مفيش مانع او مشكله تنزلي تشوفي اي حاجه تعمليها لو مش بتشتغلي تشوفي مكتبه تشتركي فيها او جيم لاني قريت انك كنتي كاتبه انك مش قادره تنسي خيانته ليكي كل ده هيساعدك وهيديكي الفرصه انك تفكري تاني وتقرري انتي كده حباه بجنون أصلا ومش شايفه غيره ف لازم تعملي لنفسك حياه بعيد عنه

Avocado_69457 🇪🇬 · Answer

انا فاهمه و عارفه كل اخطائي بس مش عارفه اصلحها فهماني

Avocado_69457 🇪🇬 · Answer

نفسي فعلا انسا لان هو بيبقي ديما موجود مع الشخيه اللي خني معاها غثب ومضطر انو يعاملها علشان كدا النسيان صعب

Avocado_69457 🇪🇬 · Answer

بجد

Pineapple_69471 🇪🇬 · Answer

ممكن اتكلم مع حضرتك يادكتور

Popcorn_69454 🇪🇬 · Answer

حابب كمان اقول انه مهما كان الماضي مليان اخطاء سواء منه او منِك، فأعرفي انه ساب كل حاجة و قرر يتجوزيك عشان سبب معين و اظن هو الحب، فأعتبري انه دا تضحية لكل حاجة قديمة عاملها من قبل كدا عشان خاطرِك.

Avocado_69457 🇪🇬 · Answer

انا فعلا بشتغل مدرسه ولاكن هو بيبقي مشوش علي تفكيري علي ف شغلي انا متعلقه بيه تعلق مرضي علشان كدا محتاجه دكتور نفسي ينجدني و يوجهني
وممكن ترجعي تقرئي اللي كتبتو ب خصوص خيانتو هتفهمي ليه مش قادره انسي

Banana_68504 🇪🇬 · Answer

طيب انتي ملاحظه حاجه بينهم والا الامور عاديه احب اقولك حاجه لو الامور عادي ومفيش حاجه ومش ملاحظه حاجه يبقا استهدي بالله وحافظي علي بيتك وجوزك كل نفس اماره ب الثوا والشيطان بيشتغل ع كدا

Avocado_69457 🇪🇬 · Answer

بحاول ولاكن انا بقيت مريضه بيه بحبو لدرجه الجنون لدرجه اني خايفه اتوجع فيه او منو

Cookies_68499 🇪🇬 · Answer

رجعتله فعلا وكون انك الحمد لله ادركتي انك محتاجه ثيرابيست ف شوفي بيبقى فيه كتير اونلاين وبيبقوا كويسين فعلا وربنا يريح بالك يارب

Popcorn_69454 🇪🇬 · Answer

فكرتي تقوليله او تصارحيه بمشاعرِك ناحية حبِك ليه؟ لو خايفة من الرد او الهجوم اللي ممكن تتوقعيه من رده ليكي، اعرفي انِك مغلطيش في انِك تنشري مشاعريك و احساسيك اتجاه الموضوع ككل لأكتر حد انتي بتحبيه في حياتيك.
من رأيي المتواضع حولي تقوليله و تصارحيه بكل امانة و وضوح يمكن هو يبتدي يلاحظ و يحاول يسهل عليكي الدنيا اكنر من كدة.