جو ما بعد الفجر دا زمان كان بيحسسني اني عصفورة كنت بغمض عيني وبتخيل امي بطير، حقيقي من جواية انا عارفة شعور الطيران كأن دا حصل في الواقع، كل أمل وكل فكرة خفيفة وكل لحظة بتحس انك محبوب ومتقدر جو الفجر دا بيسكن قلبك وبيحسسك انك طاير، وانت بتراقب انوار السما وهي بترتفع بتصدق ان النور هيسكن قلبك في يوم، وانك مش هتصدق شعور انك مش هتعيشه، رغم ان كل شئ مضلم جواليك وجواك رغم ان كل الطرق رايحه في سكك بعيدة اوي عن احلامي بس انا مصدقة، رغم اني بكيت اكتر م ضحكت وحسيت ان روحي بتتخنق اغلب الوقت بس متخيلة اللحظة الي هحس فيها بالسلام بتنفس بهدوء ومطمنة حاسه اني في مكاني، واني على طريق وقت الفجر ببص من شباك عربية مطمنة لسواقها وواثقة فيه انه واخدني في سكة احلامي، اني اخيرا افكاري بقت هادية وصوتي الداخلي بقى بيتكلم بشويش وبراحه وبيقولي انا مبسوط انه اخيرا لقانا..

3

7