مبفهمش ابدا تفكير الرجالة اللي بتعمل كومنتس وبوستس بتقذف محصنات بس، يعني كل كلامه ان الجامعيات عاهرات والستات العاملات عاهرات واي ست مش قاعدة في البيت زي الكرسي مبتتناقشش او تعترض فهي عاهرة، ولو واحدة اعترضت يتقالها ناقصة عقل ودين او انتي حائضة وليكي عين تتكلمي كما لو ان الحيض دا حاجة تعيبها مثلا! الرجالة اللي عايشة تهاجم في الستات بس وما بيعملوش غير كدا، ومن فترة راجل كانت كومنت بيقول ذل بنتك ومراتك تعيش مرتاح! بجد؟! دا ربنا حرم ضرب حيوان على وشه علشان شايف ان في ضرب الوجه جرح لكرامة الحيوان دا، فمبالك انك بتحلل المذلة والمهانة لبنتك اللي حتة منك ومراتك اللي شايلة بأف زيك! فبجد النوع دا من الرجالة مسببين لملايين البنات الرعب، مش متخيلة اطلع من بيت اهلي لبيت واحد بيقذف محصنات فربنا هيردهاله فيا انا وبناته، او شايف في ذلنا انا وبنته قوته! الذكور اللي مالين السوشيال ميديا اليومين دول مقرفين واقذر مثال بشري نزل على الارض، معنديش حاجة اقولها عامة غير حسبي الله ونعم الوكيل وتتردلكم في أعز ما عندكم اي مظلمة ظلمتوا بيها بنات بريئة، واي واحدة قولتوا عليها ما ليس فيها، حسبي الله ونعم الوكيل وربنا يبعد امثالكم عن اي واحدة كويسة وما يحط في طريقكم غير ستات قادرة تلففكم حوالين نفسكم وتكرهكم في صنف الستات اكتر واكتر.

9

6