خايفة يسبني مع إن فيه كيميا بيننا

Ice Cream_53054 🇪🇬's منشور

Ice Cream_53054 🇪🇬

منذ أسبوع واحد

.

شعور مرتبك

تعرفت على شخص وحاسة فيه بيننا كيميا هو مقاليش بحبك مباشرة او عايز يرتبط بيا. ولكن احنا قربنا بسرعة من بعض كذا مرة احاول ابعد والمحله اني متعلقة او انه بالنسبالي غير انا بالنسباله في المكانة بس بيقولي اني في نفس المكانة انا بس خايفة يسبني بتيجي في مخي افكار انه ممكن يسبني نفسي اوي اكون حبيبته ونتجوز واكون مراته مخي بيحلم باليوم دا ومفيش بينا اعتراف .. خايفة اكون بحلم بحاجة مش هتتحقق ... مشكلتي اني مش بثق في نفسي بحس ان محدش هيحبني او مستاهلش الحب مع اني واثقة في نفسي بس يمكن لان انا عنيدة شوية والناس الي حواليا بينتقدوني اكتر م حبوني 😟

10

12

Hazelnut_52786 🇪🇬

أفضل نصيحة

.

منذ أسبوع واحد

مشكلتك إنك متعلقة بشخص من غير وضوح، وخايفة يكون حلم ومش هيكمل، وده زاد عندك الإحساس بعدم الثقة في نفسك وإنك مش مستاهلة الحب.‼️نصيحتي⭕️⭕️ • خدي خطوة واسأليه بصراحة “إحنا رايحين فين؟” علشان تطمني وتوقفي التعلق. • افتكري إنك تستاهلي تتحبي بصدق، مش علشان تِرضي حد… علشان انتي كفاية. • متخليش خوفك يمنعك تعيشي حب حقيقي، بس كمان متسيبيش قلبك في طريق مش واضح. والأمل؟ الحب الحقيقي موجود، والأمان مش حلم بعيد

15

0

Popcorn_52587 🇪🇬

.

منذ أسبوع واحد

ممكن يكون اعجاب شديد بس منصحكيش انك تتعشمي علشان ممكن يكون مفيش حاجه حقيقيه ويكون بس انتي الي حاسه ب احساس حلو ممكن هو يكون عايش عادي فا متفكريش أو لو حاسه بكدا كلميه في الموضوع وفهميه وجهت نظرك عادي

12

2

Strawberry_53256 🇪🇬

.

منذ أسبوع واحد

نصيحتي ليك متتعلقيش ولا اعشمي نفسك خليكي معاه موازنه امورك واتحكمي ف مشاعرك معاه ومتدلقيش خالص هو لو كويس وناحيته خير ليكي صدقيني هو اللي هيبادر .. متاخديش خطوه ناحيته ولا اعبري عشان لو بعد الشر مفيش حاجه ناحيته متتصدميش وممكن تكون انتي بس حابه الحاله نفسها ونفسك تعيشي الحب ودا حقك بس اوعي تسلمي قلبك لناس تستهلك طاقتك

10

0

Banana_53248 🇪🇬

.

منذ أسبوع واحد

عارف ان الموضوع صعب عشان انتي متعلقة لكن فيما بعد مينفعش تتعلقي بشخص علاقته مش واضحة حلك دلوقتي تتحلي بشجاعة و تطلبي منه مسمي واضح و صريح لعلاقتكوا عشان تعرفي تتعاملي ازاي و تعرفي هل تفتحي فرص لغيره عشان هو كدة معلقك ولا لا

11

0

التجربة أفضل عبر التطبيق

حمّل تطبيق توهيل على هاتفك لتجربة أسرع