تقريبًا اعرف كل النصايح اللي راح تجيني واعرف كلام اغلب الناس لي… الحمدلله على كل حال، وصلت لمرحلة مُتعبه جدًا، انتقلت من الاهتمام بكل التفاصيل وفائض كبير من المشاعر والعتاب وغيره والمحاولات.. الى برووود تام وخلو النفس من المشاعر بالكامل، لا احساس بالذنب ولا استطاعة للبكاء ولا دافع للتقدم ولا أمل للتحسن. ما اعرف كيف اقنع نفسي اني مفروض استمر واسوي كل اللي اقدر عليه عشان على الاقل اكون حاولت.. تعرف شعور انك تكون متيقن انه يمديك؟ يمديك تدرس وتنجح ويمديك تسوي كل شي في الدنيا بس مو قادر.. الان انا في سنتي الرابعة في الجامعة اشوف الايام تمر ودرجاتي تروح وبديت انحسب من الناس المستهترين، الاحظ اصدقائي بدوا يتجنبوني وبديت افقدت كل اللي حولي.. بس مو قادر! احس يدي مو قادره انها توصل لشيء، كل شي قدامي وكل شي واضح مافي شي طريقه مبهم، لكن لسا مو قادر! كرهت نفسي وكرهت كل تفاصيل تعبي وتفكيري…قاعد اتقرب من ربنا اكثر واكثر لاني ابي العوض في الجنة ان شاء الله. حياتي مما بدت وليومنا هذا ما عرفت فيها شي، ماعمري صار عندي حلم ابغا احققه، ما اعرف معنى الدافع، ما اعرف معنى السعادة الحقيقية، اشوف كل شي كأنه خدعه، نظرتي للعالم تخليني ابغا اخلي كل اللي حولي يكرهوني عشان ينجوا مني ومن تأثيري على اللي حولي. انا تعبت من كل شيء، وآمنت انه الكلام ما يوصل اللي احس فيه لاحد ومستحيل احد يعرف اللي امر فيه غير رب العالمين. كل اللي بقوله لا توصلوا لحالتي، اطلبوا المساعدة من بدري، واذا ايقنت ان عندك حلم تمسّك فيه، الحياة بدون هدف، بدون مشاعر، بدون شيء، مخيفه جدًا.

7

2