انا بجد تعبت من كتر المُحاوله هو ليه كدا انا شخصيتي البتعامل بيها الهي مش شخصيتي الحقيقيه مش عجباين ولا شخصيتي الحقيقيه البتعامل بيها لما ببقى مرتاحه اوي مع القدامي مريحاني لان باخد عليها ملاحظات وشكلي بيبقى اهبل و تنفر الناس مني مش هبل للدرجه يعني بس الى حد ما عارف لما حد يتعامل معاك وتحسه مش كاريزما كده و بيتعامل بعفويه مبالغ فيها بس مش حلوه؟ البتبقى كرنج للبعض دي؟ ومش جذابه؟ اهو ده الحوار بظبط مش عارفه اطور ذخصيتي انا بجد مش عارفه اجيب منين ولا اتعلم من مين لا ماما هتنفعني ولا بابا اكيد لان شخصيته كراجل تفرق و الام المفروض اتعلم منها اصلا مكنتش عمرها مهتمه اوي بيا يعني انا كنت اغلب الوقت لوحدي معرفتش اكون شخصيتي من مين انا عايزه شخصيتي تبقى حلوه عايزه ابقى جذابه للناس مش بمعنى وحش لا حد جذاب يعني محبوب و مرغوب حد لما يتكلم ميبقاش مهمش و الحواليه مبسوطين لما يبقى موجود ويحبوا وجوده ولما يغيب يدوروا عليه مش وجوده زي عدمه عايزه احس ان ليا بصمه وتأثير فالمكان بس بجد مش عارفه ابقى كل ده ازاي من غير تصنع عايزه تبقى طبيعتي فالتعامل نفسي اطور شخصيتي والاقي حد اتعلم منه واكمل لوحدي بس مفيش

3

6