تعبت من الفراغ والوحدة.. مليش حد يفكر فيا

Question

انا بنت واهلي منفصلين وكل واحد عايش حياته و ده مش مضايقني لأني اصلا مش حابة وجودهم لكن تعبت من الفراغ والوحدة بنزل الشغل وارجع ابقى لوحدي تماما مليش حد يفكر فيا ولا يسأل عني حتى صحابي يدوب علاقتنا في الشغل بس محدش بيسأل عليا

Cheese_26330 🇪🇬 · Accepted Answer

حاولى يبئا عندك صحاب ووسعى دياره معارفك بس فى حدود يكون ناس شبهك تشاركى نشاطك معاهم  وكمان دا هيساعدك كثير فجواز فى فضفضه

Chocolate_26297 🇪🇬 · Answer

ما هي المشكلة اني مش لاقية حد شبهي زي ما بتقول وحتى لما بحس اني لاقيت حد شبهي مش بنفضل صحاب زي الاول بعد فترة

Strawberry_26344 🇪🇬 · Answer

مفيش ف حياتك حد خالص ؟ صحابك مثلا تشغلي بيهم وقتك ؟ ليه تحطي نفسك ف زون انتي ممكن تعيطي بسببها

Chocolate_26297 🇪🇬 · Answer

صحابي كلهم مشغولين في حياتهم مفيش غير اللي معايا في الشغل بنقضي اليوم ونروح كل واحد في حياته

Chocolate_26297 🇪🇬 · Answer

هو مش ممكن هو فعلا انا بعيط 😅

Biscuit_26172 🇪🇬 · Answer

ممكن نتعرف ونبقي اصدقاء لو حابة

Strawberry_26488 🇪🇬 · Answer

اهتمى لنفسك خلي عندك اهتمامات تانيه غير الشغل انزلي جيم هيغير من حياتك ٣٦٠ درجه وهيفرغ الطاقه السلبيه 
قربي اكتر من ربنا خلي عندك ورد وازكار يوميا وصلي ركعتين بالليل قبل النوم 
فرغي مشاعرك السلبيه دايما بالورقه والقلم 
خلي عندك اهداف واكتبيها وحققيها 
اخرجى لوحدك واستمتعى بوقتك مش دايما كل الصحاب كويسين فكرى بطريقه ايجابيه واوعى تستسلمى

Chocolate_26297 🇪🇬 · Answer

المشكلة الكلام ده كويس نظريا بس لكن عمليا الواحد بيحتاج لحد في حياته

Strawberry_26488 🇪🇬 · Answer

الكلام ده سهل يطبق لو طلعتيه عل ورق ف خطوات هتلاقي نفسك نفذتيه طول ما الافكار عشوائيه مش هتقدروا تنفذوا حاجه