تعبت من العلاقه ومش عارفه ابعد ازاي

Sugar_65451 🇪🇬

منذ أسبوعين

شعور مكسور القلب

انا في شخص عزيز عليا اوي مع بعض بقالنا 5 سنين هو بقاله فتره بيقول انه في مشاكل وبتاع بس مش بيحكي اي هي المشاكل دي خالص يعني بقاله اكتر من 6 شهور ع الوضع دا يختفي بالايام والاسابيع ويرجع ولا اكن حاجه حصلت وانا عشان عزيز عليا وبحبه اوي ف مش بحب اعاتبه عشان مضغطش عليه اكتر ما هو مضغوط ف مشاكله ومشكلته انه دايما بيبقي مع اصحابه طووول اليوم وييجي يرد عليا دقيقتين وينام واحيانا مش بيرد اصلا ومعدش بيرن ابدا الا نادرا بيني وبينكو انا تعبت وحاسه العلاقه بتستنزف مشاعري اوي وف نفس الوقت مش عارفه ابعد ازاي خايفه اكون بظلمه...ممكن حل لو سمحتم☹️☹️

صحبتى بتكلم الولد اللى معجبه بيه.. مش عارفه اعمل ايه

كنت عايزه احكى حاجه لأنها شاغله بالى حابه اعرف رأى الناس فيها مبدأيا عارفه أنه ممكن ابان لناس أنه أنا تافهه و كده بس ده سنى و دى الحاجات إلى بتغشل بالى هبداء عموما اتعرفنا أنا و اتنين صحابى تانين على بنت هى بتدى درس فى ماده ما هى مش كبيره فى السن اوى بس هى عموما بتدى دروس يعنى المهم فا حبينا نروح و كده يعنى هى عندها مبداء صداقه ما بين ولد و بنت عادى أو كلام بردك معندهاش مانع عموما نسبنا من ده مش مهم بس يعنى لازم أقوله المهم روحنا احنا التلاته فى من صحابى واحده من زمااان اوى صحبتى و واحده بقالنا شهور يعنى لسه مكملتش علاقتنا الشهر بس هى مقربه من يعنى المهم فا روحنا عادى و كنت قاعده فى ولدين فى الدرس فى ولد منهم بقى هو احنا مجموعه صغيره خالص عموما خلصنا الدرس و نزلنا راحو صحابى قالولى أنه فى ولد منهم كان مركز معايا اوى و قالولى عشان أنا طلبت اتكلم فى الموبايل أنه ساعتها علق على صوتى فا المهم أنا اصلا الولد ده معانا فى دروس تانيه بس انا عمرى ما كنت اخدت بالى منه قبل كده بس لما روحت الدرس ده بالنسبه أنه عددنا قليل طبيعى انى اخد بالى منه المهم فا عدت الايام و عادى يعنى و بدأت اعجب بيه و اعجب بيه المهم فا يوم كنت جيت و أنا كنت تعبانه و معلقه محاليل كنت كويسه بس اكلت حاجه مسكره و ده خلانى اتعب و ساعتها فضلت اعيط كتير عشان كنت مضغوطه بسبب مشاكل المهم هو كان عمال يقول نزلوها الصيدليه طب اقوم انزلها أنا انتو خمسه سته و مش قادرين تنزلوها اقوم انزلها و فضل يقولها كتير كان فى واحده من صحابى الاتنين كانت بتضحك دى إلى بقالنا شهور صحاب زعقلها و قالها اقعدى هنا و متخرجلهاش تانى المهم لما قدرت شويه و نزلت الصيدليه هو نزل ورايا يعنى و كان واقف برا و طلعت و هو جابلى كرسى و قعدت و كده مع أنه فى بنت جابتلى كرسى بس هو جابلى واحده مريح اكتر المهم هقول حاجه كمان أنه صحبتى دى كانت مرتبطه بواحد فا هى كانت بنحكى و تتكلم عنه هو كان بيقولها عادى عايزه ترجعيله و مكنش يعنى بيدى رده فعل غريبه غير أنه هى بردك عيطت قبل كده و هو مسألش حتى فيها ايه المهم عدت الشهور و فى يوم صحبتى دى راحت الدرس ده لوحدها فا بعدها تانى يوم حسيت فى حاجه غريبه و قعدت اسألها و هى مقالتش و اتخنقنا المهم تانى يوم اتكلمت معاها بهدوء و قولتلها أنه فى حاجه بينها و بين الولد إلى معجبه بيه و كده قالتلى لا (هى عارفه انى معجبه بيه ) بعد كده روحتلها البيت بعدها هى قالت و بعد كده قولتلها تانى انتى مخبيه ايه عليا قالتلى هو انتى مصممه نخسر بعض قولتلها قولى فا قالتلى أنه الميس بتاعتنا دى كلمتها أنه الولد إلى أنا معجبه بيه معجب بيها و عايز يكلمها و كل ده و هى اصلا يعنى بقالها يوم تقريبا او يومين ليه سايبه إلى كانت مرتبطه بيه المهم حكتلى كل حاجه و قالتلى لو مش عايزانى أكلمه عادى (بعدها ورتنى الشات و كانوا اتكلموا اصلا طول الليل) المهم أنا قولتلها لا عادى و مفيهاش حاجه و أنا قولت بين نفسى أنه عادى خلاص الفكره أنه مش حابه اخسر صحبتى عشان ولد يعنى و كمان عارفه أنه اكيد يعنى لما اقولها هتقولى ماشى و هتكلمه من ورايا أصله أنا عارفه صحبتى و هتتكلم و هتفكر أنه بقى عشان أنا احلى و البتنجان ده وانا والله ما دى طريقه تفكيرى المهم اليوم ده كان علينا حصه عند الميس دى بليل أنا لما روحت الحصه اضايقت أنا مش مضايقه من الولد لانه عادى خلاص مع انى كنت شايفه طريقه اهتمامه بيا و مش أنا إلى حواليا و إلى منها صحبتى بس عادى يعنى ولد و بيتروشن و خلاص بس الفكره فى صحبتى وانا قررت بعد الحصه دى مروحش يعنى و كده بس روحت بعدها تانى عشان الميس كانت بتسألنى عن السبب غير انهم عرفوا أنه كنت معجبه بيه هى بتقول هو معرفش و انها مقالتش بس هما طلعوا عارفين قولتلها ازاى قالتلى لما كنتى تعبانه و نزلنا نجيب حاجات قالو أنه انتى قولتى و أنا مقولتش حاجه المهم عدت الايام و أنا شايفه نفسى مش عارفه انساه بقيت بغيب كتير و مبقتش اروح عشان صحبتى و عشان نفسى أنا كمان المهم أنه صحبتى دى بقت تنزل من غيرنا مع البنات إلى معانا و كمان الميس الميس عادى بتنزل المهم لما كنا بنيجى نقولها أنا وصحبتى التانيه تقول أصله عشان هو معاهم المهم امبارح اتجمعوا (بنات بس) من غير ما تقول ليا أنا و صحبتى و لا اى حاجه الفكره انى أنا كنت بتعمد انى اعامل صحبتى احسن من الاول بعد ما بدأت تكلم الولد ده بس انا فعليا فى نقطه كده من جوا اوى من ناحيتها حساها كسرتنى مش عارفه اعمل ايه بقى ...عرض المزيد

4 الدعم

1 نصيحة

قصتي مع الحب والخيانة والأذى العاطفي

هاي يا جماعه بس هقولكم قصتي وانتو ادوني رأيكم عرفت واحد من شهر 4 اللي فات اعجبنا ببعض و حبينا بعض و كنا حبايب لفتره كبيره المهم مره انا و هو واحنا متخانقين عرف بنت هو قالي انها هي اللي بعتت الاد الأول لكن هو بيحبني انا المهم انا كنت عارفه انهم مع بعض و هو قالي انه بيتعامل معاها كا اصحاب بس مش اكتر و يمكن هما اقل من صحاب من خلال طريقته كنت بلاحظ انها بتحكيله حاجات كتيره (هو كان بيقول انها بتقولي و بتعمل و بتحكي و يتقول انها تعبانه و فضفضه يعني) المهم انه لو كان فعلا بيعاملها عادي مكانتش اتكلمت كدا او بمعنى اصح انت فاتح ليها الباب انها تحكي كل ده كل الكلام ده ملحظتوش غير لما سيبنا بعض عشان كانت زي ما بيقولوا مرايه الحب عاميه و كنت معميه بحبه و كلامه و كل الكلام الحلو ده المهم انه لما كنا نيجي نتخانق كان يسيبني و يدخل ببجي و ميردش على المسدجات و لما يرد عليا بيتحول 180 درجه بيبقى شخص سئ جدا شتايم و قله ادب بطريقه غير مباشره وانا مشكلتي اني حساسه و بتحسس من الكلام الوحش جامد جدا و هو عارف الموضوع ده رغم كدا كانت طريقته بتتغير وقت الخناق مكنتش بعرفه بجد من طريقته الوحشه المهم كل ما كنت احكي لحد انا اعرفه يقولي مينفعش تسمحي بكدا و ده بيتجاوز حدوده مره قولتله انا مبحبش كدا و لو سمحت اعدل طريفتك عشان مبقتش مستحملاها قالي طريقتك البارده السبب بالغرم من اني من طريقته كنت بخاف منه وقت الخناق و بخاف من انه لو رد عليا هيزعقلي و كنت بعيط لما بسمع كلامه ليا في الفويسات المهم في مره اتخانقنا بسبب البنت دي بسبب انها قالت له بحبك يا فلان و هو بعتلي سكرين (عالأساس اغير و كدا) اتخانقنا و هو كان بيقل ادبه بجد و كان بيقولي عليا زباله و انانيه و مبفكرش غير في نفسي! المهم رجع اعتذر و قالي ان طريقتي كانت السبب و قالي انه نهى علاقته بالبنت دي عشان هو مش عايز يخسرني المهم بعد ما اتصالحنا و عدت فتره لاحظت من وسط كلامه لاحظت انه قال انه بعتلها و هو مخادش باله و لما خد باله غير الموضوع بسرعه اتخانقنا تاني لسبب مش فاكراه بصراحه و كان بيقولي اني عندي ego(بحب نفسي و بفكر فنفسي زياده عن اللزوم و عندي نرجسيه كبيره) و بعامله كأنه غبي و مبيفهمش و قالي اوعى تفتكري انك الجامده و مفيش من امك اتنين! و لما بقوله مبحبش الطريقه دي هرب و مردش المهم بعت له اني تعبت من اللي بيحصل بدل ما يفضل جمبي زي ما عملت (قبل كدا كنا متخانقين قالي انه تعبان قوبتله طيب اهدي و قولي مالك سيبك من الخناق انت كويس و حكي و فضفض و فضلت جمبه ووسيته و اتأكدت انه كويس و سيبته يرتاح و قولتله اني دايما هبقى جمبه)لكن هو قالي انه هيسيبني يومين ارتاح عشان انا شكلي تعبانه فضل عندي على كل الاكونتس دخلت على اكونته لقيته عامل منشن للبنت اللي قالي انه نهي معاها مسحته و معملتش بلوك و الموضوع ده من فتره تفتكروا كنت غلطانه و كمان البنوته اللي هو عارفها دي دخلت على اكونتها انهارده لقيتها بتنزل بوستات حزينه و حاسه انه هيأثر على نفسيتها و هيتعبها و بصراحه صعبانه اوي عليا و عايزه اساعدها بس مش عايزه اتدخل انتو فاهميني؟+اسفه طولت عليكم🫶🏻 ...عرض المزيد

6 الدعم

6 نصيحة