الموضوع مرعب ومرهق بالنسبالي انا تعبت م سنتين دخل ف حياتي شخص اقل ما يقال عنه مثالي اهتمام 24 ساعة حُب بطريقه مريبه قصايد واغاني وفيديوهات وكل حاجه تخلي الواحده سعيده وتحس انها اسعد بني ادمه واكتر واحده محظوظه ف الدنيا …. بس هما كانوا 5 شهور وكل ده راح المثالية دي راحت كل حاجه كانت بتحصل بقت بتحصل عكسها كلام يجرح ويوجع وتقليل مني وتحكمات بطريقه مقرفه لا متنزليش لا اطلعي لا متعمليش لا اعملي وكنت بعارض مامتي عشان مرجعلهوش طلب ولا كلمه وكبرته عليا بقي فاكر نفسه سي سيد وانا امنيه اللي هتفضل تنفذله كل حاجه بدون اعتراض ده غير انه بيهددني بالبعض وفعلا بيبعد بيسبني اسبوع وبكدا كدا بيكلمني واحياناً انا اللي بحاول اصالحه وارجعه عشان مش عايزه علاقتنا تتنتهي عندي امل انه يرجع زي الاول واقول مضغوط بس انا مبقتش مستحمله بطلب منه الكلمه الحلوه اللي كان بيفضل يكررها ع مسامعي دي ( انتِ جميله، انتِ نقيه ، انتِ تستاهلي كل خير ، انا هعوضك ، انتِ اخف م الفراشه ) كل ده اتبدل وبقي يقولي ( انتِ مقرفه وتصرفاتك غبيه ، انتِ مبتفهميش ، انتِ مبتشوفيش نفسك غلطانه ،انتِ كذابه ) وهكذا مش قادره اتخيل ان ده الشخص اللي كان بيترجاتي اكلمه وبصله حتي ابقي بس صاحبته … المهم انه لسه سايبني بقاله اسبوعين ومستنيني انا اروح اصالحه بس انا خلاص مش قادره مبقاش عندي طاقة ليه ولاي حاجه ، المفروض انه هيبدأ لسه يكون نفسه والله اعلم هيتجوزني ع امتي بس مش اقل من عشر سنين علي كلامه وانا حالياً 21 سنه انا مكنش عندي مشكله استناه كل الوقت بس لو هوا كان نفس الشخص الاوالاني متغيرش وبقي مخليني كارهه نفسي بقالي سنتين واقفه جمبه ظروفة الوحشه اللي مش بتتعدل دي بتسوء اكتر ومستحمله كل المشاكل وصابره بس ف الاخر مختدش غير اهانه وعدم احترام وعدم تقدير وعدم اظهار اي مشاعر ليا تحسسني انه لسه ف قلبه تعبت مش عايزه ارجعله بس ف نفس الوقت ف ذكريات كتتتييرر اووي مش عارفه اعمل فيها اي ومش قادره اتخيل اني ممكن اتجوز حد غيره😔

3

7