تعبت من الدنيا المكركبة والخذلان والظلم

Chocolate_29596 🇹🇷

منذ 3 أشهر

شعور مرهق

انا تعبت ، الدنيا مكركبة معايا و اتظلمت عمري ما كنت اتخيل انه هييجي من المكان دة حاسة بخذلان رهيب و بقيت ضعيفة بعد المشكلة دي في شخص واحد واقف جنبي و بيدعمني و بيسال و بيحاول يساعد و انا بسبب ضعفي و اني عمري في حياتي ما شوفت سند و بابا ذات نفسه عمره ما كان سند ليا لما ظهر الشخص دة حسيت باعجاب ناحيته حسيت ان بقى في في حياتي راجل و مش عاجبني الوضع دة هو بيسال بكل احترام و بيساعد برضو و بيلتزم حدوده بس دعمه ليا خلاني اعجب بيه و افضفضله مش بالمعنى الحرفي بس اطول في الكلام عن المعتاد بتاعي ، انا تعبت و قرفت من نفسي و من الوضع دة و من الظلم اللي حصل و الحال اللي بقينا فيه بسبب الظلم دة حاسة اني تايهة في بحر من الظلمات

تعبان نفسيًا وعاوز أبقى قوي ومش خايف من حد

هو انا لو والدى وولدتى منفصلين وانا عايش مع والدتى ومع اخواتى بنات معنديش اخوات ولاد أكبر منى انا راجل الاسره يعتبر لو فى حد عاوز يعمل معايا مشكله او مع أهلى وانا مش عاوز اعمل حاجه علشان خايف على امى واخواتى بس هو بيشوف كده ضعف وانا حتى لو عملت حاجه هو أكبر سنا انا 20 سنه هو كبير بتاع فوق 30 وشويه بس راجل فاكر نفسه قوى وحتى لو عملت وشتمت ووقفت مش هلاقى حد فى ضهرى بجد تعبان نفسيا جدا من التفكير بعيد عن الراجل ده خالص انا حتى لو حصلت معايا اي مشكله مش هتلاقى كبير يبقى فى ضهرى ويقولى هجبلك حقك مثلا صحاب الشارع لازم اكون بشرب مخ*رات علشان اكون صاحب ليهم ويقفو ليا بجد نفسيتى تعبانه جدا من التفكير حد يقدر يقولى ازاى اقوى نفسى وابقى مش خايف ولا قلقان من حد ومحدش يقول روح جيم ولا كده انا عاوز احس من جوايا بكده اعمل ايه ...عرض المزيد

6 الدعم

9 نصيحة

نفسي انهار بصوت عالي منغير ما احسب

هقول حاجة عمري ما قولتها بصوت عالي انا كان نفسي امتلك رفاهية الانهيار اني اوقف الدنيا واقول انا تعبت من غير ما احسب مين هيتأثر او ايه هيقع او مين هيزعل مني نفسي اعيش لحظة واحدة بس اعرف فيها أضعف وارجع اقوم وانا متشافة مش مطالبة طول الوقت اكون صامدة نفسي الدنيا تهدا عليا شوية حقيقي نفسيتي تعبانه تتصلح بس وهنرجع نكمل سعي معنديش مشكلة عاوزة افضفض واصيح شوية بس مش واثقة ف حد اقدر اعمل كدا قدامة اوبشن الانهيار الداخلي دا متعب لأقصي درجة نفسي انهار خارجيا وادبدب ف الأرض بكتب الكلام دا والإنسان عايش شعور خذلان جديد وهزيمة جديدة كانت كفيلة تصحي كل حاجة ...عرض المزيد

5 الدعم

7 نصيحة

نداء للرحمة والفهم في زمن التنمر والبرود

يقولك ازاي تحس نفسك ضعيف و انت معاك الحق، صاحب الحق قوي و اغلب الناس شايفة اللي ما عندناش مصلحة معاه بنترفع حتي اننا نتسلي معاه و لو عندك وقت فراغ ما تحضر التكتوك و متلبسيش الحجاب لو مش عارفة نفسك مش حتضعفي و جهاد النفس لعب بالدين و اللي يغلط غلطة صغيرة لازم يطلع يعتزر للشعب كلو و مش ما بينو و بين ربو و اللي يقع في موقف ضعف يتوصف بصفة وحدة انو ضعيف و يتحبس فيها طول عمرو و لو موقف فقر يتوصف بصفة وحدة انو فقير و يتحبس فيها طول عمرو و اللي ربنا رزقو بحاجة عشان هو يستاهلها و اللي ربنا ابتلاه عشان هو يستاهل و قليلة الحياء هي اللي بتعجب الرجالة و الملامح الطبيعية باهتة و الست السعيدة هي اللي مسيطرة علي جوزها و الراجل السعيد هو اللي معندوش احترام للمرأة و اللي معندهومش رحمة هم الاكتر و العكس قاعدين مكسوفين من نفسهم و ميعرفوش بعض حتي و انت ازاي عندك احساس و ازاي مبتذاكرش طول الوقت و ازاي مبتوصلش لهدفك، دة مش رزقك كدة، دة انت فاشل و ازاي بتتعب، انت معملتش حاجة و ازاي عيان، دي حاجة متخصش حد غيرك، اتحمل و اديني مصلحتي و بعدين اتعب بعديها زي ما انت عاوز و انتي ازاي بتحترمي جوزك، ازاي ميجبلكيش اغلي حاجة و ازاي بيتك مش زي بيوتنا و ازاي مش ساكنة في منطقة راقية زينا ، دة انتي فاشلة بقي و ازاي بتطبخي لجوزك و ازاي مش بتمشي كلامك عليه و ازاي مبيصرفش فلوسه علي مزاجك ، دة هو متحكم فيكي بقي، ازاي الطفل يغلط، لا دة هو لازم يتولد عارف كل حاجة و اي دة انتي جاية تحكي مشاكلك متسندي نفسك يحبيبتي، هو احنا ناقصين نكد، لاااااا احنا محدش فينا بتحصل حاجة تزعلو ابدا، اصل احنا مش اغبياء و بنعرف نظبط أمورنا ، اي دة انتي بتتنططي م الفرحة لي يحبيبتي متخليكي عاقلة، اي دة انتي مبترقصيش و تضحكي بصوت عالي لي، انتي فرحانة من جوة، اي الفرح اللي من جوة دة، مفيش حاجة اسمها كدة انت جاي تنصحنا، فاكر نفسك عارف حاجة، احنا مش محتاجين نصيحتك اخوك و عاوزه يحبك، دة اللي هو ازاي، كل حاجة بالفلوس، ادفع يحبيبي و هتلاقيني بحبك و بونسك غير كدة متضيعش وقتي اي دة انت عاوز تحكيلي علي مشاكلك، اسكت اسكت و اسمع مشاكلي انا، انت مشاكلك دي انت السبب فيها انما انا، انا مشاكلي كبيرة و محتاجة تتسمع و متحاولش تنصحني لو كان في حل كنت عرفته لوحدي ليه يحبيبتي مبتتكلميش، اهتماماتك غير اهتماماتي، عشان اهتماماتك غلط يحبيبتي، سيبك منها و غيريها و اعملي زيي، اهتمي بحاجات عليها القيمه احنا مش محتاجين نتكلم في الدين مع بعض، ابحث في جوجل و دي علاقة بينك و بين ربك انا اي اللي يدخلني فيها، و الفلوس كلها مرمية في ايجارات و الشغل و الخبرة لازم في نفس المجال و فرش البضاعة ممنوع في رأيي ان الحق محتاج جهاد و اننا محتاجين بعض و محتاجين نرحم بعض و نسند بعض و الصعوبة طبعا مش مبرر عشان نعمل اصغر حاجة تغضب ربنا، احنا بنحب ربنا و هنتحمل عشان ننجح في اختبار الدنيا و ممكن اوقات تعدي علينا الثانية كانها اتقل من الجبل و ربنا يقوينا كلنا كلامي اقصد مني علي اقل تقدير نداء للرحمة، نداء للفهم، نداء لاحترام النية الطيبة والضعف والاختلاف رسالة مقاومة ضد العنف المغلف بالحكمة، ضد التنمر اللي لابس لبس النصح، وضد البرود اللي لابس وش القوة. ...عرض المزيد

5 الدعم

2 نصيحة