تعبت من البحث عن شريك حياة ومضايقة قلبي

Question

دخلت علي marriage app   كل شوية اتعرف علي حد و اقول خلاص هو ده بعدين النوضوع يبوظ و يعملي block او restriction تعبت من وجع القلب و الفرهدة علي الفاضي مسحت الابلكيشن  انا تعبت من كتر ما بدور علي شريك حياة مش لاقبه خالص مضايقة اوي و مضيقة علي قلبي الي بيوجعني مع كل حوار بيخلص بطريقة وحشة

Avocado_39639 🇪🇬 · Accepted Answer

انا كمان اتعرفت علي حد علي ابلكيشن والموضوع باظ وللاسف اتكونت مشاعر في قلبي من ناحيته لحد دلوقتي مش قادره اتخطاه الموضوع صعب اوي ربنا يعينك 💔 الفكرة اننا لا بنروح ولا بنيجي ولا حد يعرفنا ومش عارفين هنرتبط ازاي وسننا بيكبر والناس بقت تتكلم اللي هو يا عيني يابنتي انتي لسه متجوزتيش اختك الاصغر منك اتجوزت وانتي لا 💔

Marshmallow_60066 🇪🇬 · Answer

اغلب الناس ف الابلكيشنز دي مش داخله تتجوز خالص ف ابعدي عن الفكره دي، ابن الحلال هيجيلك بصدفه لا انتي ولا هو تقدروا تتوقعوها

Pineapple_30761 🇪🇬 · Answer

الحوار ده فكسان اصلا دي مش طريقه للاسف

Banana_64287 🇪🇬 · Answer

ممكن تدوري في حياتك الواقعية ، أحيانا المشاعر عن طريق النت بتبقي مزيفة ، احنا عايزين أشخاص حقيقيين نقعد معاهم و تكلمهم ويكلمونا

Carrot_61442 🇪🇬 · Answer

انتي اصلا عندك كام سنه

Strawberry_63923 🇪🇬 · Answer

اااه ودي كأنها انا

Apple_55097 🇪🇬 · Answer

انتي منين وعندك كام سنه ؟

Chocolate_55188 🇪🇬 · Answer

الموضوع ده بيحصل دايماً للأسف  مش معاكي انتي بس ....اكتشفت ان معظم الناس اللي بيدخلوا على الapps دي عندهم مشاكل نفسية و مش بيبقوا داخلين جد خالص فماتزعليش المشكلة مش فيكي

Mango_63985 🇪🇬 · Answer

مش متخيل أن انا ممكن اقول كدا بس هيجيلك من حيث لا تعلمي و بالطريقة الي ربنا مدبرها و بعدا اين كان سنك ف انتي لسه صغيرة

Hazelnut_60459 🇪🇬 · Answer

بنصح حضرتك تنزلي تتطوعي في أي جمعية خيرية
انتي بس انوي انك نازلة تعملي خير لله وهتلاقي ربنا بإذن الله يقرب منك حد يكون كويس يملى عليكي حياتك وانصحك متسمحيش لحد إنه ياخد ويدي معاكي في الكلام كتير عشان متدخليش في دايرة الـ friendship والعلاقة تبقى more serious اكتر وبرضه تعرفي البنات اللي معاكي في النشاط انك مستنية ابن الحلال وهتلاقيه بإذن الله in no time

Popcorn_41523 🇪🇬 · Answer

انتي زي اختي فا نصيحه مني ابعدي عن الابلكيشنز دي خالص كلهم شمال بلا استثناء والله

Olive_56835 🇪🇬 · Answer

انا اتجوزت عن طريق مجربة الشيخ كشك للزواج اعمليها هي صعبه بس حلوة جدا جدا هتلاقي طريقتها علي يوتيوب عبارة عن ايات و ادعيه

Hazelnut_60459 🇪🇬 · Answer

بنصح حضرتك تنزلي تتطوعي في أي جمعية خيرية
انتي بس انوي انك نازلة تعملي خير لله وهتلاقي ربنا بإذن الله يقرب منك حد يكون كويس يملى عليكي حياتك وانصحك متسمحيش لحد إنه ياخد ويدي معاكي في الكلام كتير عشان متدخليش في دايرة الـ friendship والعلاقة تبقى more serious اكتر وبرضه تعرفي البنات اللي معاكي في النشاط انك مستنية ابن الحلال وهتلاقيه بإذن الله in no time

Popcorn_59692 🇪🇬 · Answer

والله و انا زيك 💔

Peanut_57589 🇪🇬 · Answer

علي فكره نفس الكلام ... الناس اللي عليه بتكون داخله بعقليه غير الارتباط ومش ولاد بس للاسف بنات كتير كمان ... كنت علي تطبيق منهم تحس انك في سباق خيل البنت بتكلم ٥ والاحسن اخليني معاه وهكذا وهكذا واهي ماشيه

Popcorn_59692 🇪🇬 · Answer

اي هي

Avocado_57147 🇪🇬 · Answer

سبحان نفس الوضع بالظبط بعد ما دخلت كذا تجربه فاشله وللاسف العكس هنا بيحصل البنات اللي بتخلع معظمهم كان بيتقدملهم حد كويس ماديا حاسس اني كرهت الجواز بسبب الماديات جربت ابليكيشن بس نفس الحوار زي ما قولتي ، بعدين انتي كام سنه على كدا حاسك صغيره لسه...؟!😅

Biscuit_59744 🇪🇬 · Answer

مفكرتيش ايه سبب الرفض

Cherry_56954 🇪🇬 · Answer

جربت زيك كتيييير وللأسف كان الموضوع بينهى بوجع قلب .. للاسف اغلب الرجاله ع الابلكيشنز دى بيكون هدفهم التسليه مش الجواز 
مفيش قدامنا غير الدعاء ♥️ربنا يعوضك خير ويجبر خاطرك ♥️

Cherry_59482 🇪🇬 · Answer

ربنا يكرمك بالي يريح قلبك الموضوع بتاع التطبيقات مش احسن حاجه حتى الولاد الي بتدخله فاكرة هتتحوز منه بتتخزوق من البنات

Cherry_56954 🇪🇬 · Answer

نعم ؟

Watermelon_57954 🇪🇬 · Answer

ابلكيشن ؟ ياااه هوا الجواز بقي اول تعارف من ابلكيشن يعني البدايه حرام أصلا ليه للدرجادي مفيش شبابا في الواقع يعني صلي يا حبيبتي وادعي وتوبي أولا واتقي لله في نفسك وأهلك ما طبيعي قلبك يوجعك من تعلق بشيء عذب بيه ولا بد نصيبك مكتوب من وانتي ف بطن ولدتك فقط امشي بالمعروف وسلميها لله وهوا اعلم بيكي أما الطرق الغريبه دي أغلبها حرام ومش آخرها جواز لا آخرها وأولها قرف

Mango_56683 🇪🇬 · Answer

للاسف معظم علاقات النت بتكون حوارات شباب بتضيع وقت و تتسلي و بس
اللي عاوز جواز بيدور علي بنت حلال في محيطة قرايب معارف اصحاب جيران و هكذا
انما النت ٩٩٪ تسالي بس
ربنا يرزقك بابن الحلال اللي يصونك

Apple_35579 🇪🇬 · Answer

اغلب الأشخاص الي بيخشو علي الابلكيشن دي مش بيبقى هدفهم الجواز بيبق داخلين يتسلو إلا من رحم ربي 
و بعدين بق عن لابلكيش أو غير الابلكيشن 
كل شخص ربنا كاتب ليه نصو التاني و ازاي هيقبلو 
الاهم من ده كلو انك تحفظي علي نفسك و قلبك ليه و متخليش حاجه تكون السبب ف انها تكون بتضرك

Biscuit_26457 🇦🇪 · Answer

انا كمان عندي نفس المشكله وبجد نفسيتي اتدمرت بسبب الموضوع ده

Banana_55920 🇪🇬 · Answer

ولله بسى الجواز قسمة ونصيب و انتى لزمن تصبرى و مش اى حاجة أى حاجة من النت بتكون وحشة خلى عندك وعى الحجات دى حرام حرام الجواز الصح بيكون راجل محترم متدين يدخل البيت من باباو و ابوكى يوافق إنما انتى اخرك فى الموضوع دى ابوكى يسئلك فا لتوافقى لا ترفضى ربنا خص الرجال فى الطلب ولكن التطبيقات دى ذى ما تكونى سلعة بتتعرض حاجة سيئة جدا وانا ولله ما بلومك كل حد نفسوا يكون مستقر بس اصبرى وربنا هيرضيكى

Avocado_54057 🇪🇬 · Answer

انا كنت مفكره انا الوحيده الي بمر بده كنت ع اب فعليا كتير مرضي نفسييا وفعلا تبداي فجاه تلاقي بلوك وفعلا الراحد مبيروحش رله بيجي وسعات المحيط ضيق انا صرفت ع الكورسات فلوس كتير عشان بس اتشاف واطلع وادي اهو وفع ع دماغي مش عارفه الواحد يعمل اي بجد لو لقيتي طريقه قوليلي عليها بليز

Strawberry_60410 🇪🇬 · Answer

للاسف ناس كتير مش صادقين ربنا يهدي بس لو تكلمتي مع حد خلي الموضوع جد والعديد عن المشاعر تماما  وربما يرزقك بالزوج الصالح