انا واحده تعبانه في حياتها في بيت ابوها اوي اوي بشتغل عشان اصرف علي البيت ومحدش بيساعدني في اي حاجه المهم قبلت واحد وعرفته وحبيته اوي اوي وهو حبني اوي اوي عرفنا بعض ٦ سنين يعلم ربنا أن السنين دي هو كان بنسبالي احسن واحد في الدنيا كان واقف معايا ومستحملني ومستحمل تعبي وكل الخنقه الجوايا كان معوضني عن كل حاجه في حياتي كان محببني في الكليه ال انا دخلتها وانا مش راضيه عنها كان بيشجعني في شغلي ودائما واقف معايا وبيهتم بيا في لبسي وبيجبلي لبس وبيهتم ب اكلي ويجبلي اكل وساعات البيت عندنا مبيبقاش فيه اكل وكان بيجيب اكل ل امي واخواتي عشان ابويا كان بيسيبنا من غير اكل وكان بيدفعلي فلوس الكليه وبيدفع معايا في الأقساط بتاعت البيت ال انا بدفعها كان بالنسبالي هو ومفيش حد تاني عوضني عن ابويا والدنيا كلها وقالي عاوز اتقدملك عشان اتجوزك ونبقي مع بعض اتقدم وكان برضو واقف معايا وبيهتم بيا وبعلتي كلها والله العظيم وبيراضي الكبير والصغير واتقدم وكنت بكلمه قدام الكل لو كنت زعلت منو في يوم كان بيرن علي امي ويقولها ياامي خليها تصالحني مش عارف اشتغل وهي زعلانه مني كان بيتبهدل من الدنيا كلها ويستحمل عشان خاطري ويقولي المهم انك تبقي معايا في الآخر وفاجأة بيرن علي ابويا قالو احنا مش موافقين كل ناس كتيره اوي عشان ابويا يوافق وبرضو ابويا موافقش وانا حلمت حلم ورنيت علي شيخ عشان احكيله الحلم ويفسره الشيخ قالي دا الواد ده شر ليكي ولو اتجوزتيه هتتعذبي معاه طيب ازاي بعد كل ده طيب هتعذب ازاي وكل الناس كانت بتحسدني عليه والله العظيم كل الناس كانت بتقولي يابختك وهو لحد اللحظه دي لسه متمسك بيا ومش عاوز يسيبني مش عارفه اعمل اي بجد

6

9