تعبانة من ماما وشخصيتها الصعبة.. نفسيتي باظت

Question

في حاجه مش قادره اتكلم فيها مع حد ،، وهي اني تعبانة ونفسيتي تعبانة بسبب ماما .. ماما شخصيتها صعبة اوي ووحشه اوي خلتني من وانا صغيره عايزه اكبر مش عايزه ابقي شبهها ف اي حاجةوكل الصفات اللي فيها ببعد عنها ..حاسه اني اعصابي تعبانه دايما بسببها وطلعت عصبية اوي وهجومية اوي بسببها ..بقيت نفسي اتجوز عشان اعيش ف بيت هادي من غير صوت عالي وزعيق ٢٤ ساعة .. كان نفسي تكون حنينة وبتبين حبها ليا وحنيتها بس انا ببقي اوقات كتير بكون عايزه احضنها مش بقدر.. انا طالعه حنينة اوي مع الناس كلها وببين حبي وكل اللي جوايا لاي حد الا هي .. حياتنا باظت بسبب صوتها وعصبيتها وانها مبتعترفش ابدا انها غلط ..بجد تعبت..

Watermelon_30348 🇪🇬 · Accepted Answer

مفيش ام او اب بيعترفوا بغلطهم لانهم بيشوفوها ضعف بعيدا عن اغلب امهات مصر خصوصا كدا بس ربنا يهديهم فعلا ع العقد النفسية ال خلوها فينا مانقدرش نكرههم لانهم ف الاول وف الاخر اهالينا بس نقدر ندعي ربنا وحده قادر يعدل نفسيتنا ويصلح حالنا

Cookies_38918 🇪🇬 · Answer

طيب مسألتيش نفسك قبل كدا هي بتعمل كدا ليه... او مثلا تحطي نفسك مكانها وتشوفي هتقدري تستحملي ظروف الحياة من غير ما تبيني انك مضغوطة؟

Mango_38976 🇪🇬 · Answer

جربى تقعدى معاها واحكليها كل اللى حاسه بيه من نحيتها أحيانا سبب عدم الحنيه بين البنت وامها بيكون سبب من نحيه عدم الكلام والفضفضه

Cherry_36595 🇪🇬 · Answer

جربي مره تخليها وقفه قدمك وي احضنها وي احكيلها كل الي فيكي وي عيطي

Strawberry_38939 🇪🇬 · Answer

بالعكس انا بحاول دايما اقرب منها واحكيلها كل حاجة عني واصاحبها بس ردود فعلها دايما بتبقي عكسي وتفكيرها غيري وبتهاجم من غير اي تفكير ولما بحكي لكل اللي حواليا محدش بيغلطني ف حاجة عارفين ان هي تصرفها معايا دايما غلط

Chilli_38972 🇪🇬 · Answer

معلش والله صلي

Strawberry_38939 🇪🇬 · Answer

حاولت اعمل كل حاجة بس هي صعبة اوي مش بتاخدني براحة او تتكلم براحه خلتني بقيت مش عارفه احكي معاها حاجة وبحكي لكل الناس بحس بإحتواء وهدوء لكن هي صعب اصلا الكلام معاها

Strawberry_38939 🇪🇬 · Answer

انا زعلانه اني كبرت بقيت مش عايزه ابقي شبهها واني بقيت بدعي اني اتجوز عشان اعيش ف هدوء وسلام نفسي اكتر من كدا

Hazelnut_32376 🇪🇬 · Answer

حبيبتي انا مش بدافع عن مامتك
بس الامهات بيتعرضوا ل كميه ضغط مش طبيعيه لبيت تحافظ عليه و مسؤليه كبير و بتزيد كل ما بتكبروا تخيلي نفسك محطوطه تحت ضغط لاجل غير مسمي و لازم تتكيفي معاه
مش بايديها اازعيق او العصبيه هي مدركه حاجه زي كده و بتقعد مع نفسها و بتغلط نفسها بس مستحيل تطلع ده قدامكو عشان متشوفهاش قليله او صغيره♥️

Chilli_38972 🇪🇬 · Answer

اجري نفسك

Strawberry_38939 🇪🇬 · Answer

انا فاهماكي.. بس للاسف انا زعلانه من نفسي اني بقيت مش عايزه ابقي شبهها مع ولادي وعمري ما هبقي شايفه ان الاسلوب اللي هي بتتعامل بيه معانا هو الصح حتي لو شايله ضغوطات الدنيا والاخرة.. مهما كان فيا ايه وصلت اني مش عايزه ابقي كدا مع ولادي ولا يحسوا باللي حسيت بيه واني احتويهم واصاحبهم مهما كان فيا ضغوطات ابقي انا اكتر حد بيرتاحوا معاه ..

Sugar_38508 🇪🇬 · Answer

اولا عندك كام سنة واسمحيلي اسألك كده لبعض الاسباب اهمهم احتمال متكونيش فاهمه اسباب مامتك او الطريقة المناسبة اللي تقدري تتقربي بيها منها

الاحتمال الاكبر امك بتفرغ عصبيتها فيكي ف انتي هتستحمليها لأن مفيش حد قادر يستحملها غيرك واعتبريها بنتك وطبطبي عليها وخديها على كبر سنها واحترميها 
ولو  بتزعق عشان تعملي حاجة بس انتي مكسلة مثلا ف دي لكاعة منك ومرقعة وده مش كويس 
عموما احكي موقف احتمال نفهم الوضع

Strawberry_38939 🇪🇬 · Answer

اللهم امين♥️