تعب جدا ونفسيه ف النازل ومش قادر أتكلم

Avocado_50987 🇪🇬

منذ 4 أشهر

شعور مرهق

الواحد تعب جدا ونفسيه ف النازل فقدان شغف حتى ف المذاكرة مع ان الرحله لسا طويله وخلاص طاقته نفذت مش عارف اول مرة احس بشعور انى مش قادر احكى ل حد على اللى جوايا بعض المشاكل ديما مش بتنحكى ربنا يعديها على خير

أنا في ثانويه عامه ومش قادره أركز أو أذاكر!

انا في ثانويه عامه و حرفيا يومي بيضيع منغير ما اذاكر بسبب اني بنام كتير بطريقه غبيه و بضيع في وقتي بسبب الموبايل و مش عامله جدول اسبوعي للمواد بسبب اني باخد في الماده يومين و اكتر و حاولت اصحي بدري بس بلاقيني بضيع في اليوم منغير ما اذاكر كفايه .... دا غير اني فاقده الشغف و محبطه و مش قادره اذاكر و لا قادره اغصب نفسي علي المذاكره بلاقي عقلي بيعاندني و مبيخلنيش اركز و كل دا خلاني اراكم بالهبل و مخليني مش ملاحقه الشوامل و لا اي حاجه حد يساعدني اعمل ايه لو في ثانويه او عدي عليه و عارف الدنيا و لو حد يقدر يقولي علي طريقه تخليني اركز ...عرض المزيد

9 الدعم

8 نصيحة

طالب أزهري محتاج حد يفهمه - حياتي كلها ضغط

السلام عليكم ورحمة الله وبركاته، أنا مش عارف أبدأ منين، بس حابب أفضفض وأحكي اللي جوايا يمكن أرتاح شوية، ويمكن ألاقي حد يفهمني أو يوجهني. أنا طالب في الصف الثالث الثانوي الأزهري، وحاسس إن حياتي كلها ماشية بالعكس، وكل حاجة بتضغط عليّ من كل اتجاه. من وأنا صغير، وأنا بتعرض لحاجات سيئة جدًا. اتعرضت للتنمر والضرب والإهانة من أهلي النرجسيين ، اللي دايمًا كانوا بيقللوا مني ويكسروا ثقتي في نفسي. كانوا بيمنعوني من إني ألعب مع الأطفال بحجة إنهم مش مؤدبين، ولو خرجت أتعرض للعقاب. حرّموني من أبسط حقوقي، وكانوا بيحاسبوني على أي غلطة، حتى لو كانت صغيرة جدًا. كمان كنت بتعرض لتحقير وتفرقة، مش بس بيني وبين إخواتي، لأ كمان حتى بيني وبين الناس الغرب. ومرت عليّ مواقف مؤذية جدًا، واتعرضت للتحرش واتعرضت للتنمر والضرب والاهانه من المدرسين وزمايلي وقرايبي ، وده خلاني أنعزل تمامًا، وأهرب من الواقع في حاجات زي الإباحية والعادة السرية، وفضلت متعلق بالموبايل طول الوقت، لحد ما بقى هو العالم الوحيد اللي بلجأ له. الإدمان ده عمل فيّ حاجات كتير، وبقيت أحس بميول مش طبيعية ، وبقى عندي رهاب اجتماعي حاد، ومش عارف أتعامل مع الناس، ولا أكون علاقات، ولا حتى أفتح مواضيع عادية. كل ده خلاني أحس إني مختلف عن الكل، ومش قادر أعيش حياة طبيعية. دلوقتي أنا في ثانوية أزهرية، والمفروض أكون بذاكر علشان الامتحانات قربت، بس أنا مش قادر أفتح كتاب، كل ما أحاول أذاكر بفشل، وكأني في حاجة جوايا بتشدني لتحت. بفكر أأجل السنة، بس أهلي، وخصوصًا والدي اللي مسافر، بيضغط عليّ جامد علشان أدخل كلية الطب. المشكلة إنهم سيبوني في بداية السنة لوحدي، ورحلوا عند بيت جدي اللي أنا أصلاً كنت مطرود منه، وفضلت من غير فلوس ولا أكل، ومن غير أي دعم، ومع ذلك بيتوقعوا إني أكون متفوق. والدي لو عرف إني ممكن أأجل بدون ما ادخل كذا مادة ، أكيد هيمنع عني الفلوس، وممكن يطردني، وده مش أول مرة يهددني بكده وعمل دا قبل كدا العيلة كلها بتتعامل معايا بجفاف شديد، ومفيش تفاهم، وكل شوية مشاكل على حاجات تافهة، وأخويا الكبير نرجسي وبيضربني لدلوقتي ضرب مبرح لاي سبب تافه ، ومفيش أي إحساس بالأمان في البيت معاييش فلوس تكفي اني اروح لمعالج نفسي حاسس إني مخنوق من كل حاجة، من الدراسة، ومن البيت، ومن نفسي، ومفيش أي حد جنبي، لا أصحاب ولا دعم من أي نوع. الوحدة بقت خانقة جدا ونفسي يبقى فيه اي حد يسمعني بس حتى ، والضغوط النفسية والدراسية خنقتني أكتر، وكل ما أحاول أخرج من الحالة دي، برجع أقع تاني. فكرت في الانتحار كتير، بس دايمًا بخاف من ربنا، وبقول إن ده حرام، وبحاول أقرب منه، بس حتى ده مش قادر أواظب عليه. بحاول أصلي أو أقرأ قرآن، بس دايمًا بحس إني بفشل. لسه عندي أمل، بس في لحظات بحس فيها إني ضعيف جدًا، وإن مفيش فايدة، وإن الحياة دي تقيلة عليّ أوي. أنا مش بكتب الكلام ده علشان أشكي وخلاص، أنا بس حبيت أفضفض، وأمكن ألاقي كلمة تخليني أتمسك بالحياة شوية. لو حد قرأ رسالتي دي، فشكرًا ليك، وشكرًا إنك سمعتني، وربنا يجازيك كل خير. ...عرض المزيد

13 الدعم

7 نصيحة

بمر بأسوأ وقت ومحدش حاسس فيا - تعبت نفسيًا وجسديًا

السلام عليكم ورحمة الله الحمد لله علي كل حال حاسه اني بمر بوقت من اصعب الاوقات اللي عدت عليا الحمد لله كله شايف اني اربعه ساعه ف السرير نايمه محدش شايف اد ايه اصلاا بعاني عشان انام محدش حاسس والله بعاني حرفيا عما اقوم من السرير كله شايف اني مش بذاكر محدش شايف اد ايه بحاول بس مش قادره مش قادره افتح كتاب واقعد اذاكر الحمد لله علي كل حال بس محدش حاسس اد ايه تعبانه ببين اني كويسه وبتعامل بطبعي بس انا حاسه اني مدمره ...عرض المزيد

12 الدعم

7 نصيحة