انا عمري ما حسيت اني يائسه من تحقيق حلم نفسي اوصله، بالعكس اول ما ببدأ أحس اني عايزه اوصل لحاجه او اتمني حاجه ببدأ رحله كلها مغامرات جميله جدا مع ربنا ف الدعاء لاني خلال فتره السعي والدعاء بتعب جدا ف محاولات الشيطان معايا انه يسببلي يأس من الدعاء، عمري ما اتمنيت حاجه ايا كانت هي اي وحسيت اني م هوصل دايما بكون واثقه ف ربنا انه قادر فبكمل دعوات وم بيأس ابدا وبكون مستمتعه ف التذلل لربنا دي متعتي، ولكن انا حاليا معنديش قدره ادعي باي حاجه حاسه حياتي اقتصرت ع دراستي وبس اني انجح واعدي كل سنه ومعنديش احلام تاني ولا متعه ف الدعوات معنديش طاقه حتي ادعي بحاجه ومعنديش قدره اتمسك باي امنيه وادعي بيها ساعات بحس اني مشتاقه لقعدتي ع المصليه بعد كل صلاه وانا بدعي وبعيط لربنا وانا بلح عليه ف حاجه واترجاه بس انا حاسه اني قلبي تعب من كل الضغوط اللي مريت بيها فبقي كل امنياتي تكمن اني انام كل يوم بدون تفكير وتعب نفسي وانو ربنا يباركلي ف اهلي امي واخواتي من لما مات بايا ماتت كل امنياتي ف الحياه ومبقتش بتمني حاجه غير اني اعدي الدنيا بسلام واروح اشوفه

1

8