عندي MS وحاسس الدنيا مقفلة في وشي

Question

انا اتشخصت MS من سنتين فالاول كنت واخد الموضوع عادي فشخ لإن اول هجمة جاتلي اتشخصها  غلط الهجمة التاني عرفت ان المرض ده عندي مهتمتش قولت حاجه بتيجي كل سنه مره و مش مأثرة على حاجه يعني بس خدت الدوا و خلاص عشان الدكتور قال مهم انتظم عليه، المهم بدأ يسببلي مشاكل على الكلى و الكبد و جسمي دايما همدان و مش قادر اعمل حاجه و ده مأثر على حياتي بشكل عام و التحكم في البول بدأ يقل اعزكم الله و التوازن في المشي قل غير ان فالصيف المرض بينشط و صداع جامد و مش قادر لأي حاجه، انا لسه٢٣ سنة و في بنت في حياتي خايف اظلمها و بفكر اسيبها هي عارفه و متمسكة بيا بس حاسس انها مش هتستحمل غير اني شخصيا مش هستحمل في المستقبل مبقاش قادر على حاجات كتير قدامها و اقل من نظرها او تبصلي بتعاطف فتنصحوني باى عشان تايه و حاسس الدنيا مقفلة في وشي

Banana_61646 🇪🇬 · Accepted Answer

أسأل الله العظيم رب العرش العظيم أن يشفيك ويشفي مرضانا ومرضى المسلمين أجمعين

Coconut_56201 🇪🇬 · Answer

فنسال الله العظيم رب العرش العظيم ان يشفيك نسال الله العظيم رب العرش العظيم ان يشفيك اسال الله العظيم رب العرش العظيم ان يشفيك. 
اعتبرها اختك وشوف هتوافق عليك ليها ولا لا. 
لو مش هتوافق فطبيعي جدا تطلعي على كل الامور وانت بتطلعها مش عشان تاخد رايها عشان تبلغها قرارك وعشان ما تبقاش في حيره انا اتسبت ليه . 
ونسال الله العظيم رب العرش العظيم ان يشفيك شفاء لا يغادره سقما

Watermelon_61375 🇪🇬 · Answer

اللهم امين تسلملي ، لو لاختي اكيد اتمنالها الاحسن مش هجبرها على انها توافق او ترفض بس هحطلها كل الاحتمالات و هي تقرر ساعتها، هي البنت مشكلتها انها متعلقة بيا انا مش عارف اجيبهالها ازاي لإني لما بجيبها من الناحية دي بترفض و انها راضية بس انا مرضهاش عليها لو جبتها من ناحية اني مش حاببها او ايا كان هكسرها و اكيد مش عاوز ده

Watermelon_61375 🇪🇬 · Answer

اللهم امين يارب العالمين