مش عاجبني ستايل خطيبي وقلقانه من المستقبل.. أعمل إيه؟

Question

انا مخطوبه من تلت شهور صالونات ف خطيبي حبني اوي وانا حبيتو شويه عشان هوا صراحه بتحب جدا ف انا مش عاجبني استايل لبسو خالص ولما بكلمو بيقولي انا كدا ومتربي اني البس جلابيه بس قولتلو بلاش تكبر نفسك بس هوا مش ناوي يغير نفسو غير أن معاه دبلوم بس ومش داخل جيش ومش ناوي يدخل انا صراحه مش شايفه مستقبلي معاه اوي بس هوا بيحبني اوي ومستحيل يرفضلي طلب ومستحيل يعيش من غيري وانا كمان بحبو اوي خايفه اسيبو اندم وف نفس الوقت خايفه ملاقيش حد يحبني زي م هوا بيحبني كدا اعمل ايه

Mango_32552 🇪🇬 · Accepted Answer

لو مش مقتنعة بيه بنسبة ١٠٠ في المية يبقي بلاش وعلي فكرة عادي انك متقتنعيش بحد  بسبب لبسه او تكوني حاسة انه مش مناسب او انك مش مرتاحة 
نقطة مش هتلاقي حد بحبك زيه دي اكتر حاجة غلط في الدنيا هتلاقي كتير انا رايي حاولي تتكلمي معاه تاني وفهميه

Strawberry_32558 🇪🇬 · Answer

حاولي معاه إنه يتغير دايماً للأحسن والي بيحب حد بجد مستعد يتغير علشانه مهما كان ايه التمن + لو متغيرش وخايفه محدش يحبك فلو ركزت ع الي ضاع منك عمرك مهتشوف الي بيستناك شوفي رزقك الدنيا واسعه والفرص كتير بس احنا الي بنخاف

Potato_32557 🇪🇬 · Answer

بصى الجواز دا قرة عين يعنى ايه قرة العين يعنى حاجة تحبى تشوفيها كل يوم عادى من غير ما تكون حاجة مضيقاكى علشان دى حاجة هتخليكى تبصى لدى ولدى ومش هترتاحى ابدا حد يملى عينك وقلبك وعقلك مع بعض هى بتبقى معادلة صعبة بس مش مستحيلة لان التغاضى عن حاجات ع سبيل انى ممكن اقتنع واكتشف بعد كدا انى مقتنعتش دى حاجة بتقلل من قيمة الحب اللى بتتكلمى عنه
 فحاولى تشريحله مخاوفك طالما بتحبه بعض

Mango_32521 🇪🇬 · Answer

شرحت وهوا بيحاول يتغير بس اكيد مش هيتغير تغيير كلي وماما قالتلي حاولي تقتنعي واتكلمي عشان كل حاجه ليها جانب مش حلو ودي طبيعه الحياه بس انا بصراحه مش عارفه اتقبلو في كل حاجه

Marshmallow_29286 🇪🇬 · Answer

دول 3 شهور بس ملحقتوش تقعدوا مع بعض متستعجليش طولي فترة الخطوبه اكتر ل سنه او اكتر واتعرفي عليه اكتر وهو يتعرف عليكي، شوفي لو فعلا شايفاه مناسب ك زوج وك اب لأن ده جواز مش لعب، ولو مش متقبلاه من دلوقتي سيبيه لأنك مش هتقدري تتقبليه بعدين

Marshmallow_31578 🇪🇬 · Answer

مفيش حاجة اسمها انا كده